तनहुँ । असोज ४
तनहुँ कारागारबाट गत भदौ २४ गते साँझ भागेका ३ सय २७ कैदीबन्दीमध्ये १ सय ७६ जनालाई प्रहरीले पुनः नियन्त्रणमा लिएको छ ।
शुक्रबार साँझसम्म १ सय ७६ जनालाई पुनः नियन्त्रणमा लिएको जिल्ला प्रहरी कार्यालय तनहुँका एसपी टेकबहादुर कार्कीले बताए ।
नेपाली सेना, सशस्त्र प्रहरी र नेपाल प्रहरीको संयुक्त टोलीले भागेका कैदीबन्दीलाई नियन्त्रणमा लिएको हो । भागेका अन्यको खोजी भइरहेको एसपी कार्कीले बताए ।
गत भदौ २५ गते साँझ कारागारको सुरक्षा घेर तोडेर २० महिला र ३ सय ७ पुरुष गरि ३ सय २७ जना कैदीबन्दी कारागारबाट निस्किएका थिए । प्रहरीले भागेका कैदीबन्दीलाई यथाशिघ्र कारागारमा आउन आह्वान पनि गरेको छ । कारागार नफर्किए उनीहरुलाई पक्राउ गरि ल्याउने प्रहरीले जनाएको छ ।
यसैगरि तनहुँ प्रहरीले देशका अन्य विभिन्न कारागारबाट भागेका कैदी बन्दीलाई पनि पक्राउ गरि सम्बन्धित कारागारमा बुझाएको छ । हालसम्म विभिन्न कारागारबाट भागेका ४० जना कैदी बन्दीलाई पक्राउ गरि सम्बन्धित कारागारमा पठाईएको एसपी कार्कीले बताए ।
