काठमाडौं । असोज ४
भदौ २३ गते राती बसेको मन्त्रीपरिषदको बैठकमा तत्कालिन प्रधानमन्त्री केपी शर्मा ओलीसँग सामाजिक सन्जाल खुलाउने विषयमा आफुले झगडा गरेको भन्दै सन्चार माध्यममा गएर तत्कालिन स्वास्थ्य मन्त्री प्रदिप पौडेलले झुट बोलेको सोही मन्त्री परिषदकी एक सदस्यले कडा प्रतिबाद गरेकी छिन् ।
तत्कालिन मन्त्रीपरिषदकी सदस्य संघीय मामिला तथा सामान्य प्रशासनमन्त्री भगवती न्यौपानेले उक्त बैठकमा भएको कुरा सार्वजानिक गर्दै स्वास्थ्यमन्त्री पौडेलले झुट कुरा गरेको बताएकी छिन् । मन्त्रीपरिषदमा भएको छलफलको बारेमा सार्वजानिक गर्दै तत्कालिन मन्त्री न्यौपानेले भनिन् ‘मन्त्रीपरिषदमा भएको सामान्य छलफललाई प्रदिप पौडेलले पुरै झुट र अफवाह फैलाएछन् ।’
‘मन्त्री परिषदको बैठकमा स्वास्थ्यमन्त्री पौडेलले प्रधानमन्त्री ओलीतिर फर्केर, सम्माननीय ज्यु अव सामाजिक सन्जालको विषय के हुन्छ भनेर एउटा प्रश्न राख्नुभएको थियो’ न्यौपानेले भनिन् ‘अझ उहाँले प्रधानमन्त्रीसँग यो विषय ठिकै छ, छलफल गर्दै जाउँला भनेर आफैले विषय टुग्याउनु भएको थियो ।’
‘तर बाहिर आएर सामाजिक सन्जाल खोल्ने विषयमा प्रधानमन्त्री र मेरो विवाद भयो, प्रधानमन्त्री असंवेदनशिल हुनुहुँदो रहेछ भन्ने खालको झुट र कपोल्कपित कुरा भन्नु भएछ’ न्यौपानेले भनिन ‘त्यो मन्त्रीपरिषद् बैठकमा म पनि छु, हामी अरुपनि छौं, प्रदिप पौडेलले त्यसरी बाहिर आएर झुट कुरा बोल्नुहोला भन्ने लागेको थिएन ।’
भदौ २३ गते जेन जी पुस्ताको प्रर्दशनको क्रममा १९ जना युवाहरुको मृत्युभएपछि बसेको मन्त्रीपरिषदको बैठकमा आफुले सामाजिक सन्जाल खोल्ने बारेमा प्रधानमन्त्रीसँग आफुले आधाघन्टाभन्दा बढि विवाद गरेको तत्कालिन स्वास्थ्यमन्त्री पौडेलले बताएका थिए । पौडेलको उक्त भनाईलाई सोही मन्त्रीपरिषदकी सदस्य न्यौपानेले कडा प्रतिबाद गरेकी हुन् ।
