तनहुँ । असोज २८
बन्दीपुर गाउँपालिका–४ बिमलनगरस्थित पृथ्वी राजमार्गमा गत शनिबार भएको सवारी दुर्घटनामा घाइते भएका थप एकको उपचारको क्रममा मृत्यु भएको छ । उक्त दुर्घटनामा मृत्यु हुनेको संख्या २ पुगेको छ ।
गत शनिबार आँबुखैरेनीबाट डुम्रे तर्फ जाँदै गरेको ग १ ख ९७०८ नम्बरको यात्रुबाहक बस र विपरीत दिशाबाट आइरहेको ग २६ प ९२८७ नम्बरको स्कुटर एकआपसमा ठोक्किँदा स्कुटरमा सवार गोरखा धार्चे गाउँपालिका–७ निवासी २८ वर्षीय पुनराम गुरुङ र ३२ वर्षीय मनोज गुरुङ घाइते भएका थिए ।
घाइते दुबै जनालाई प्रारम्भिक उपचारका लागि डुम्रेको लक्ष्मी सि.टी. अस्पतालमा लगिएको थियो । त्यहाँबाट थप उपचारका लागि चितवनको भरतपुरस्थित नयाँ सिएमसी अस्पताल रिफर गरिएकोमा उपचारकै शनिबार मुनरामको मृत्यु भएको थियो भने अर्का घाइते मनोजको मंगलबार मृत्यु भएको जिल्ला प्रहरी कार्यालय तनहुँले जनाएको छ ।
