काठमाडौं । असोज ३०
काठमाडौं । नेकपा एमालेकी केन्द्रीय सदस्य भगवती न्यौपानेले नेपाल विरुद्ध युद्धको घोषणा गरिएको बताएकी छिन् । निवर्तमान मन्त्री समेत रहेकी न्यौपानेले काठमाडौंमा जारी नेकपा एमालेको केन्द्रीय कमिटीको वैठकमा बोल्दै भदौ २३ र २४ गते जे भयो, नेपाल विरुद्ध युद्धको घोषणा सरह भएको बताएकी हुन् ।
अहिले मुलुकमा राष्ट्रिय संकट राख्दै न्यौपानेले संकट बहुआयामिक भएको विचार राख्दै भनिन्, ‘संकटलाई सतहमा मात्र नबुझौं, गहिराईमा बुझौं । आजको संकटलाई एक वाक्यमा भन्न सकिन्छ– नेपाल विरुद्ध युद्ध घोषणा गरिएको छ, हामी युद्धमा छौं ।’
देश नै संकटमा परेको, देश विरुद्ध युद्ध सुरु भइसकेको भन्दै भगवतीले भनिन–‘युद्धको बेला सेनापति फेर्न हुँदैन, अनुभवी सेनापतिलाई विदा गरेर युद्ध जितिँदैन । युद्ध सकिएपछि विदा गरे हुन्छ ।’ २४ गते अगाडि नेतृत्व परिवर्तन सामान्य विषय थियो, २४ पछि नेतृत्वको निरन्तरता अपरिहार्य आवश्यकता बनेको उनले बताइन् ।
अहिलेको युद्धमा सत्रुलाई राम्रोसँग ठम्याउन नसकिएको विचार राख्दै भगवतीले भनिन्–‘युद्धको बीचमा सेनापति फेर्नु आत्मघात हुनेछ । यो युद्ध हतियारले होइन, अनुभव, योग्यता र क्षमताले मात्र जितिन्छ । योग्यता क्षमता भएको नयाँ नेतृत्व ल्याउन सकिन्छ तर अनुभवी ल्याउन सकिँदैन । अनुभवी नेतृत्व भनेको केपी ओली नै हो ।’
अहिले नेपाल विरुद्ध थालिएको युद्धमा सत्रु ठम्याउन सुक्ष्म अन्तदृष्टि र व्यापक अनुभव चाहिने विचार राख्दै उनले भनिन्,–‘अनुभवी र सुक्ष्म अन्तदृष्टि भएको सेनापतिले छाड्छु भन्छ भने पनि छाड्न दिन हुँदैन ।’
