तनहुँ । कार्तिक १३

व्यास नगरपालिका वडा नम्बर २ निवासी फुटबल रेफ्री ३१ बर्षिय विजय रानाको घरको सौचालयमा लडेर विहिबार मृत्यु भएको छ । सौचालयमा लडेका रानालाई परिवारका सदस्यले सौचालयको ढोका फुटाली उपचारका लागि प्रदेश अस्पताल दमौली लगेका थिए । अस्पताल पुगेपनि चिकित्सकले रानालाई मृत घोषणा गरेका थिए ।

राना लामो समयदेखि स्थानीय फुटबल प्रतियोगितामा रेफ्रीका रूपमा सक्रिय थिए । रानाको निधनले तनहुँको खेलकुद क्षेत्रका साथै एउटा असल व्यक्ति गुमाएको रानाका सहपाठीहरुले बताएका छन् ।