तनहुँ । चैत २३
घिरिङ गाउँपालिका, प्रदेश स्वास्थ्य कार्यालय तनहुँ तथा जापान नेपाल क्षयरोग अनुसन्धान संस्थाको संयुक्त आयोजना छातीरोग सम्बन्धि खोजपड्ताल शिविर आईतवार वडा नम्बर ३ स्थित घिरिङ सुन्धारा स्वास्थ्य चौकीमख सम्पन्न भयो । उक्त शिविरको गाउँपालिकाका अध्यक्ष होमबहादुर थापाले उद्घाटन गरे ।
सो अवसरमा बोल्दै अध्यक्ष थापाले नागरिकको स्वास्थ्य उपचार प्रति पालिका गम्भीर संवेदनशील रहेको बताए । गाउँपालिकाले समय समयमा विभिन्न स्वास्थ्य शिविर र सचेतनाको कार्यक्रम सन्चालन गर्दै आएको अध्यक्ष थापाले बताए ।
सो कार्यक्रममा ५४७ जनाको एआई एक्सरेद्वारा छातीको परिक्षण गरिएको थियो । साथै क्षयरोगका बिरामी २२ जना र ३९ जनाको खकार परिक्षण समेत गरिएको घिरिङ गाउँपालिकाका स्वास्थ्य शाखा प्रमुख कृष्णप्रसाद रिमालले जानकारी दिए ।
वडा नम्बर ३ का वडा अध्यक्ष तहलसिंह थापाको अध्यक्षतामा भएको उक्त कार्यक्रममा वडा नम्बर २ का वडा अध्यक्ष नरबहादुर थापा, कार्यपालिका सदस्यहरु इश्वरी श्रेष्ठ र पार्वती विक लगायत स्वास्थ्यकर्मीहरुको उपस्थिति रहेको थियो । सो कार्यक्रमको सन्चालन तथा व्यवस्थापन स्वास्थ्य शाखा प्रमुख कृष्णप्रसाद रिमालले र स्वागत मन्तव्य घिरिङ सुन्धारा स्वास्थ्य चौकीका प्रमुख प्रितम थापाले गरेका थिए ।
