विष्णु मगर । देवघाट, चैत २५
मधुवन सामुदायिक वन उपभोक्ता समितिले देवघाट गाउँपालिकासँगको समन्वयमा एकदिने वित्तिय साक्षरता तालिम आयोजना छ । उक्त कार्यक्रम दैनिक जीवनमा आम्दानी र खर्चको सन्तुलन कसरी कायम गर्ने, भविष्यका लागि बचत र लगानीको महत्व के हो भन्ने विषयमा उपभोक्ताहरुलाई जानकारी गराईएको मधुवन सामुदायिक वन समुहका अध्यक्ष डिल्लीराम गिरीले बताए ।
पछिल्लो तथ्यांक अनुसार प्रहरीमा दर्ता हुने महिला हिंसा सम्बन्धी उजुरीको संख्या वृद्धि भएको तर धेरै घटना अझै सार्वजनिक नहुने र पीडित महिलाहरू न्यायको पहुँचबाट टाढा रहने अवस्था कायम भन्दै ति सबै कारण महिलाहरु आत्मनिर्भर नभएको, महिलाहरुलाई बचतको अभाव रहेको भन्दै अध्यक्ष गिरीले हिंसाबाट बच्न पनि महिलाहरु आत्ननिर्भर बन्नुपर्ने बताए । ग्रामीण भेगमा चेतनाको अभाव, सामाजिक दबाब तथा आर्थिक निर्भरता महिला हिंसाको प्रमुख कारण मानिएको भन्दै उनले महिला अधिकारकर्मीहरूले पीडितमैत्री सेवा विस्तार, छिटो न्यायिक प्रक्रिया तथा जनचेतना अभिवृद्धिमा जोड दिनुपर्ने बताए ।
सो सचेतनामूलक कार्यक्रमले समुदायमा आर्थिक सशक्तीकरणमा महत्वपूर्ण योगदान पु¥याउने, आत्मविश्वास बढाउन र आफ्नो अधिकार बारे सचेत गराउने गिरीले विश्वास व्यक्त गरे । उक्त कार्यक्रममा मधु सामुदायिक वन समुहमा आवद्ध रहेका महिलाहरुको सहभागिता रहेको थियो ।
