देवघाट । चैत २८
देवघाटधामबाट सन्चालित रेडियो देवघाट १०२.६ मेगाहर्जको आयोजनामा नयाँ वर्ष २०८३ को शुभकामना आदानप्रदान तथा भित्ते पात्रोको छैठौं संस्करणको विमोचन कार्यक्रम शनिबार सम्पन्न भएको छ ।
उक्त कार्यक्रममा प्रमुख अतिथि देवघाट गाउँपालिका अध्यक्ष तिल हादुर थापाले मिडियाले समाजमा र देशमा शुचनाहरु सम्प्रेषण गरि नागरीकहरुलाइ सुचना प्रवाह गर्ने र समाजलाई सचेत गराउनुपर्ने बताए । देवघाटमा मिडियाले बिकासको महत्त्वपूर्ण भुमिकाहरुमा महत्त्वपूर्ण भुमिका खेलेको र देवघाटका मिडियाहरुलाई पालिकाले सधै सरंक्षण गरिरहेको अध्यक्ष थापाले बताए ।
सो कार्यक्रम रेडियो देवघाटका अध्यक्ष विजयराज शर्मा भुषालको अध्यक्षतमा भएको थियो । सो अबसरमा अध्यक्ष शर्माले रेडियो देवघाटले धेरै चुनौतीको बापजुत पनि संघर्ष गरेर आजको दिनसम्म आएको बताए । देवघाटको विकासका कामहरुलाई देवघाटको मिडियाले धेरै प्रचार प्रसार गरेको र आगामी दिनहरुमा पनि जिम्मेवार निर्वाह गर्ने रेडियोका अध्यक्ष भुषालले बताए ।
उक्त कार्यक्रम रेडियो देवघाटका कोषाध्यक्ष श्रृजना बसौला देवकोटाले स्वाागत मन्तव्य राखेकी थिइन्न भने कार्यक्रमको सञ्चालक रेडियोका कार्यकारी निर्देशक निरन्जन हाडाले गरेको थिए ।
