तनहुँ । चैत २८
बन्दीपुरमा सन्चालित बन्दीपुर केवलकारले स्थानिय समुदाय र पर्यटकलाई डेडिकेटेड सेवा दिनको लागि केवलकारको माथिल्लो स्टेशन देखि बन्दीदपुर बजारसम्म निशुल्क सटल वस सेवा सन्चालन गर्ने भएको छ ।
नयाँ वर्ष २०८३ बैशाख १ गते देखि नियमित सन्चालनमा आउने गरी यस प्रकारको सेवा सुरु गर्न लागिएको कम्पनीका प्रमुख कार्यकारी अधिकृत रोमनमान श्रेष्ठले जानकारी दिए । २०८१ जेष्ठ ३ गते देखी केवलकारले सेवा प्रदान गर्दै आएकोमा थप सेवा विस्तार गर्ने सेवा सुविधाहरु थप्दै गएको हो ।
यस सेवाले पर्यटक र स्थानिय समुदाय लाई केवलकारको सेवा उपभोग गर्न निकै सहज हुने देखिएको छ । यस अघि तल्लो स्टेशन देखि डुम्रे बजारसम्म निशुल्क सटल बस सेवा सन्चालनमा आएको थियो । अब दुबै तर्फ यस प्रकारको सेवा उपलब्ध हुने वस ब्यबस्थापक दिपक कार्कीले बताए ।
