तनहुँ । बैशाख १२
भिमाद नगरपालिकाको आयोजना तथा देवघाट मल्टिमिडिया प्रालिको सहजिकरणमा भिमाद नगरपालिकाको आर्थिक वर्ष २०८२/०८३ को दोश्रो चौमासिक अवधिको सार्वजानिक सुनुवाई कार्यक्रम शुक्रबार वडा नम्बर ९ स्थित भिमाद सामुदायिक भवनमा सम्पन्न भयो ।
चालु आर्थिक वर्षको दोश्रो चौमासिक अवधि सम्म नगरपालिाकाले सम्पादन गरेका विकास योजना, सेवा प्रवाह तथा बजेट खर्च लगायतको बारेमा सार्वजनिक सुनुवाई गरिएको थियो । सार्वजानिक सुनुवाई कार्यक्रममा नगरपालिकाकी उपप्रमुख शारदा खनालले भिमाद नगरपालिका शिक्षा, कृषि, पर्यटन स्वास्थ्य क्षेत्रको विकासका पालिका निरन्तररुपमा लागि परिरहेको वताइन् । उपप्रमुख खनालले सार्वजनिक सुनुवाईमा उठेका प्रश्नहरुको सम्वोधन गदै भिमाद नगरपालिकालाई कृषि क्षेत्र र पशुपालनमा आत्मनिर्भर वनाउने बताइन् ।
उनले भिमादले कृषकहरुलाई विभिन्न खालका प्रोत्सान कार्यक्रमहरु ल्याएको भन्दै दुग्ध उत्पादन गर्ने किसानका लागि उत्पादनका आधारमा प्रति लिटर रु १० रुपैया अनुदान वितरण गरिएको जानकारी दिइन् ।
उक्त कार्यक्रममा भिमाद नगरपालिकाले दोश्रो चौमासीक अवधि सम्म सम्पादन गरेको कार्यक्रमहरुका बारेमा प्रमुख प्रशासकीय अधिकृत सोभाखर पोख्रेलले जानकारी दिएका थिए । कार्यक्रममा शिक्षा शाखा प्रमुख उप सचिव सन्दिप पौडेलले भिमाद नगरपालिकाको शैक्षिक अवस्थाको बारेमा जानकारी गराएका थिए । त्यसैगरी दोश्रो चौमासिक अवधिसम्म सम्पादित योजनाहरुका बारेमा भिमाद नगरपालिका योजना प्रमुख टेकावती ढकालले जानकारी गराइन् ।
सार्वजनिक सुनुवाई कार्यक्रममा भिमाद नगरपालिकाका विभिन्न शाखाहरुले दोश्रो चौमासिकमा सम्पन गरेका क्रियाकलाप र त्यसको अवस्थाका बारेमा जानकारी गरेका थिए । कार्यक्रममा वडा नम्बर ९ का अध्यक्ष रन बहादुर थापा लगायतकाले आफ्नो भनाई राखेका थिए । उक्त कार्यक्रमको सन्चालन नेपाल पत्रकार महासंघ तनहुँका पुर्व अध्यक्ष प्रेम प्रसाद पौडेलले गरेका थिए ।
