देवघाट । जेठ २०
देवघाट गाउँपालिकाले आगामी आर्थिक वर्ष २०८३/०८४ को नीति, कार्यक्रम तथा बजेटका लागि राय सुझाव उपलब्ध गराउन अनुरोध गरेको छ । गाउँपालिकाले बुधबार सुचना प्रकाशन गरि आगामी जेठ २६ गते भित्र राय सुझवा उपलब्ध गराउन अनुरोध गरेको छ ।
नेपालको संविधानद्वारा स्थानीय तहलाई प्रदत्त अधिकार, स्थानीय सरकार सञ्चालन ऐन, २०७४, संघिय र प्रादेशिक कानुनहरु, दिगो विकासका लक्ष्य, स्थानीय तहको बजेट तर्जुमा दिग्दर्शन लगायतका मार्ग निर्देशनका रुपमा लिई गाउँपालिकाको आवश्यकता, स्रोत साधनको उपलब्धता र संस्थागत क्षमताका आधारमा आ.व. २०८३/०८४ को वार्षिक नीति, कार्यक्रम तथा बजेट तयार गरिने गाउँपालिकाले जनाएको छ ।
तसर्थ उक्त प्रयोजनको लागि आगामी जेठ २६ गते भित्र आगामी वर्षको नीति, कार्यक्रम र बजेटमा समेटिन पर्ने विषयवस्तुहरुको बारेमा रचनात्मक राय सुझाव प्रदान गर्नुहुन सम्पूर्ण राजनीतिक दल, नागरिक समाज, पेशा व्यवसायी, सरकारी तथा गैर–सरकारी संघ–संस्था, पत्रकार एवम् बुद्धिजिबी वर्ग, तथा सम्पुर्ण गाउँपालिकावासीहरुमा अनुरोध गरिएको छ ।
आफ्नो राय सुझाव गाउँपालिकाको इमेल devghat.ruralmun@gmail.com मार्फत वा कार्यालयमा भौतिक रुपमा उपस्थित भएर उपलब्ध गराउन प्रमुख प्रशासकीय अधिकृत प्रधुब्न कुमार खड्काले सुचना प्रकाशित गरि जनाएका छन् ।
