देवघाट । भदौ १७
स्याङ्जा जिल्ला आँधीखोला गाउँपालिका–६, फापरथुम स्थायी घर भई विगत दुई दशकदेखि देवघाटधाममा साधनारत देवघाट सार्वजनिक पुस्तकालयका आजीवन सदस्य डिल्लीराज शर्मा ढकाल ‘पुस्तकालय सम्मान–२०८३’ बाट सम्मानित भएका छन् ।
१९ औँ राष्ट्रिय पुस्तकालय दिवसको अवसरमा देवघाट सार्वजनिक पुस्तकालयको संरक्षण, विकास तथा समाजमा पठन संस्कृतिको निर्माणमा उनले पु¥याउँदै आएको निरन्तर योगदानको उच्च मूल्याङ्कन गर्दै शर्मालाई सम्मान गरिएको हो । देवघाट सार्वजनिक पुस्तकालयका पूर्वअध्यक्ष शिवराज पौडेलले शर्मा लामो समयदेखि पुस्तकालयको विकास, संरक्षण र ज्ञानमूलक गतिविधिको प्रवद्र्धनमा सक्रिय रहँदै आएको बताए ।
देवघाटधामको सामाजिक, आध्यात्मिक तथा बौद्धिक क्षेत्रमा समेत परिचित व्यक्तित्वका रूपमा रहेका शर्माले पुस्तकालयलाई केवल पुस्तक सङ्ग्रह गर्ने स्थानका रूपमा सीमित नराखी ज्ञान, चेतना र सामाजिक रूपान्तरणको केन्द्रका रूपमा विकास गर्न महत्वपूर्ण योगदान पु¥याएको पौडेलले बताए ।
पौडेलका अनुसार देवघाटधाममा दुई दशकदेखि साधनारत रहँदै सामाजिक, आध्यात्मिक र बौद्धिक चेतनाको क्षेत्रमा सक्रिय शर्माले पुस्तकालयप्रति देखाएको समर्पण र निरन्तर योगदानको कदरस्वरूप उक्त सम्मान प्रदान गरिएको हो ।
