२७ चैत्र, देवघाट
कोरोना भाइरस (कोभिड(१९) फैलिएका देशहरुबाट तनहूँमा आउने ७१४ जना मध्ये देवघाटका सबै नागरिकको स्वास्थ्य साामान्य रहेको छ ।
देवघाट गाउँपालिकाले सुचना सार्वजनिक गदै गाउँपालिकाका ५ वटै वडाहरुबाट पुरुष २६ र महिला ४ गरी ३० जना गाउँ पर्किएका नागरिकहरुको स्वास्थ्य परिक्षण गराउँदा उनीहरुको अवस्था सामान्य रहेको जानकारी गराएको हो उनिहरु सेल्फ क्वारेन्टाइन÷ क्वारेन्टाइनमा समेत रहेका छन् । 
गाउँपालिकामा यस महामारी फैलन नदिनको लागि धेरैनै सर्तकता अपनाइएको देवघाट गाउँपालिकाका प्रमुख प्रशासकिय अधिकृत रमेश सुवेदीको भनाई रहेको छ । उनले अझै त्रास यथावत रहेकाले सम्पुर्ण नागरिकहरु घरमैे बसेर सजक र सतर्क रहन आग्रह समेत गरेका छन् ।
यस्तै सरकारले २०७७ वैशाख ३ गतेसम्मलाई लागु हुने गरी तेश्रो चरणको लकडाउन समेत घोषणा गरी आम नागरिकलाई सचेत रहि घरमै बस्न आग्रह गरिरहेको छ ।
