देवघाट अनलाइन
दमौली, चैत १५
मिसन ग्रासरुट अभियान (पार्टी सुदृढीकरण तथा विस्तार अभियान ) अन्तर्गत व्यास नगरपालिका वडा नम्बर १० वडा कमिटीको वैठक तथा प्रशिक्षण कार्यक्रम बुधबार सम्पन्न भएको छ ।
वडा कमिटी अध्यक्ष मदन तिमल्सेनाको अध्यक्षतामा सम्पन्न सो कार्यक्रममा प्रमुख अतिथि नेकपा एमालेका पोलिट्व्युरो सदस्य, तनहुँ जिल्ला ईन्चार्ज एवम् सँविधानसभा सदस्य टुकराज सिग्देल, गण्डकी प्रदेश सचिवालय सदस्य बिष्णुभक्त सिग्देल, जिल्ला कमिटी उपसचिव प्रदिपराज अधिकारी, जिल्ला कमिटी सदस्य गणेश विक, जिल्ला सल्लाहकार परिषद सदस्यहरु मायानाथ कोईराला, मोहन सुनार, विष्णुप्रसाद ढकाल, मोहन सिँह विक, व्यास नगरकमिटी कावा अध्यक्ष तुल्सीराम पाण्डे लगायतले मन्तव्य राखेका थिए ।
वैठकले मिसन ग्रासरुट अभियानलाई टोल–टोल सम्म पु¥याउन र गति दिन साथै आगामी वैषाख १० गते हुने उप–निर्वाचनलाई ध्यान दिदै पार्टीलाई व्यवस्थित गर्न महत्वपूर्ण योजनाहरु तय गरेको छ । सो बैठकको सन्चालन भिमप्रसाद ढकालले गरेका थिए ।
