दमौली, बैशाख ११
तनहुँ क्षेत्र नम्बर १ का नेकपा एमालेका उम्मेदबार सर्वेन्द्र खनालको चुनावी कमान्ड रहेकी नेकपा एमालेकी केन्द्रिय सदस्य भगवती न्यौपानेको वडा भानु नपा–८ मा राष्ट्रिय स्वतन्त्र पार्टीका उम्मेदबार स्वर्णिम वाग्लेले निकै फराकिलो अग्रता बनाएका छन् ।
सोमबार बिहान सकिएको उक्त वडाको मतगणनामा वाग्लेले अन्य उम्मेदबार भन्दा निकै फराकिलो अग्रता बनाएका हुन् ।
सो वडामा नेकपा एमालेका उम्मेदबार सर्वेन्द्र खनालले ४३७ मत मात्रै पाएका थिए भने रास्वपाका स्वर्णिम वाग्लेले ८५६ मत पाए । त्यस्तै नेपाली काँग्रेसका गोविन्द भट्टराईले ४५८ मत पाएका थिए ।
