दमौली, बैशाख ११
बन्दिपुर गाउँपालिकाको २ वटा वडाको मतगणना सकिँदा राष्ट्रिय स्वतन्त्र पार्टीका उम्मेदबार डा. स्वर्णिम वाग्लेको अग्रता कायम नै रहेको छ ।
पछिल्लो पटक सार्वजानिक भएको वडा नम्बर १ र २ को अन्तिम मतगणनामा घन्टीबाहक उम्मेदबार वाग्लेको फराकिलो अग्रता देखिएको छ ।
मत परिणाम अनुसार बन्दीपुरको वडा नम्बर १ मा खसेको २१२९ मध्ये रास्वपाका वाग्लेले ११३० मत पाए । त्यस्तै नेपाली काँग्रेसका गोविन्द भट्टराईले ६५२ मत र एमालेका सर्वेन्द्र खनाल ३१५ मत पाएका छन् ।
त्यस्तै गरि वडा नम्बर २ मा भने काँग्रेसका उम्मेदबार भट्टराई झिनो मत अन्तरले अगाडी छन् । उक्त वडामा खसेको १३८३ मत मध्ये भट्टराईले ५८६ मत पाएका छन् । त्यस्तै रास्वपाका वाग्लेले ५५९ र एमालेका खनालले २०१ मत पाएका छन् ।
बन्दिपुरको वडा नम्बर २ काँग्रेस महाधिवेशन प्रतिनिधि रेशम गुरुङको वडा हो । गुरुङले पार्टीलाई जिताउन रातदिन गरेको मेहनेतको कारण सबैभन्दा धेरै मत प्राप्त भएको बताए ।
