देवघाटबाट फेरी अर्काे मोटरसाईकल चोरी, साउन यता ७ वटा चोरीको घटना

Devghat Online

शेयर गरौ

देवघाट, बैशाख २२

देवघाट गाउँपालिका–५ का राजन खरालको ना ४९ प ९७८० नम्बरको बजाज कम्पनीको मोटरसाईकल शुक्रबार बिहान चोरी भयो । आफ्नै घरमा पार्किङ गरेको उक्त मोटरसाईकल बिहान ३ बजे चोरी भएको थियो ।
यस अघि गत चैत दोश्रो साता पनि देवघाट–५ बाट मोटरसाईकल चोरी भएको थियो । उक्त मोटरसाईकल देवघाट प्रहरीले फेला पारेपनि अदालतमा मुद्धा दर्ता गरिएको हुँदा मोटरसाईकल धनीले आफ्नो मोटरसाईकल फिर्ता पाएका छैनन् ।

 

 

शुक्रबार बिहान चोरी भएको मोटरसाईकल

यो सहित साउन महिना यता देवघाट–५ बाट ७ वटा मोटरसाईकल चोरी भएको उजुरी इलाका प्रहरी कार्यालय देवघाटमा परेको छ । इलाका प्रहरी कार्यालय देवघाटका इन्चार्ज प्रहरी बरिष्ठ सई कृष्णबहादुर बानिँयाका अनुसार चालु आर्थिक वर्षमा हालसम्म ७ वटा मोटरसाईकल चोरी भएको उजुरी परेको छ । ति मध्ये कति मोटरसाईकल भेटिए भन्ने तथ्यांक भने इप्रका देवघाटसँग छैन ।
देवघाटबाट मोटरसाईकल धेरै चोरी हुनुमा प्रहरीको लापरवाही ठान्छन् देवघाट उद्योग वाणिज्य संघका अध्यक्ष रोशन श्रेष्ठ ।

अहिले देवघाट छिर्ने धेरै नाकाहरु भईसकेपनि ति नाकाहरुमा सिसि क्यामेरा नहुँदा चोरहरुले सजिलैसँग मोटरसाईकल मात्र नभई काठ लगयातका अन्य कुराहरु पनि अन्यत्र लैजान सक्ने श्रेष्ठको भनाई छ । देवघाटको मुख्य नाकाहरुमा त्रिशुली नदीको झोलुङ्गे पुल, जुगेडीको झोलुङ्गे पुल, दासढुङ्गाको मोटरवेल पुल र हालै सन्चालनमा आएको देवपुर नजिकैको नवलपुर जोड्ने कालीगन्डकीको मोटरेवल पुल हुन् ।

यि मध्ये दासढुङ्गा र देवपुरको मोटरेवलपुलबाट अन्य सबै सवारी साधन वारपार गर्ने भएपनि दुई त्रिशुली र जुगेडीको झोलुङ्गेपुलबाट मोटरसाईकल सजिलैसँग वारपार गर्नसक्छन् । यी कुनै पनि नाकामा सिसि क्यामेरा र प्रहरीको चेक पोष्ट छैन । त्यसैकारण चोरले सजिलैसँग देवघाटबाट मोटरसाईकल बाहिर निकाल्न सक्ने श्रेष्ठले बताए । देवघाटमा प्रहरीको संख्या निकै कम भएको कारण पनि सबै ठाउँमा चेकिङ गर्न रातीको समयमा गस्ती गर्न नसकेको श्रेष्ठले अनुमान गरे । साथै प्रहरीले विगतमा मोटरसाईकल चोरी गरेकाहरुलाई अर्कै मुद्धा लगाएर उन्मुक्ति दिने प्रयास गरेको कारण पनि चोरहरुले प्रश्रय पाएको श्रेष्ठले बताए ।

सबै अपराधमा प्रहरी लाई मात्र दोष दिन नहुने भन्दै श्रेष्ठले मोटरसाईकल धनीले पनि आफ्नो मोटरसाईकललाई रातीको समयमा पार्किङ गर्दा सुरक्षित साथ राख्नु पर्ने बताए । सकेसम्म घर भित्रै राख्ने, नभए कम्पाउन्ड भित्र तथा कम्पाउन्ड नभए घरको आँगनमा राख्दा हेन्डेल लक लगायतका सुरक्षाका उपाय अपनाउनु पर्ने श्रेष्ठले बताए ।

इलाका प्रहरी कार्यालय देवघाटका इन्चार्ज बानियाँले पनि प्रहरीको संख्या कम भएको कारण सबै ठाउँमा चेक पोष्ट राख्न नसकिएको बताए । उनले देवघाट छिर्ने र बाहिरने मुख्य नाकाहरुमा सिसि क्यामेरा राख्न सक्ने हो भने पनि चोरीको घटनालाई कम गर्न सकिने बताए । चैत दोश्रो साता चोरी भएको मोटरसाईकल पनि सिसि क्यामेराको सहायताले नै फेला पार्न सकिएको बानियाले बताए ।

 

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर