प्रेस चौतारी चितवनको भवन निर्माण हुने, अध्यक्ष बस्नेतले गरे शिलान्यास

Devghat Online

शेयर गरौ

चितवन, बैशाख २२

श्रमजीवी पत्रकारहरुको संगठन प्रेस चौतारी नेपालको पहिलो भवनको चितवनमा शुक्रवार शिलान्यास गरिएको छ । प्रेस चौतारी नेपालका केन्द्रीय अध्यक्ष गणेश बस्नेतले शुक्रबार प्रेस चौतारी चितवनको भवनको शिलान्यास गरे।

भरतपुर महानगरपालिका वडा नं. ११ वसेनीमा प्रेस चौतारीको आफ्नै जग्गामा भवनको शिलान्यास गरिएको प्रेस चौतारी चितवनका अध्यक्ष सुवास पण्डितले जानकारी दिए । प्रभु हाउजिग एण्ड प्रोर्पटी डिर्लस प्रालिका केशव कार्कीले चौतारीलाई झण्डै ७० लाख भन्दा बढी मुल्य पर्ने १० धुर जग्गा दान गरेका थिए ।

सो जग्गामा चौतारी चितवनले देशकै पहिलो भवन बनाउने काम अगाडि बढाएको चौतारी चितवनका अध्यक्ष पण्डितले बताए । भवन शिलान्यास कार्यक्रममा बोल्दै प्रेस चौतारी नेपालका अध्यक्ष गणेश बस्नेतले चौतारीले देशकै पहिलो आफ्नो भवन बनाउन लागेकोमा खुुसी ब्यक्त गर्दै चौतारी केन्द्रका तर्फबाट सहयोग जुटाउन सक्दो पहल गर्ने बताए । अध्यक्ष वस्नेतले नेपाली श्रमजीवी पत्रकारको हितरक्षा, आम सञ्चारसँग सम्बन्धित नीतिहरु निर्माणहरुको अगुवाई र पार्टी प्रचारको अभियानको नेतृत्व गरीरहेको चौतारीले भौतिक संरचना निर्माणलाई पनि अभियानको रुपमा चलाउने बताए ।

कार्यक्रममा नेकपा एमाले चितवनका अध्यक्ष रामप्रसाद न्यौपाने, प्रेस चौतारीका महासचिव हिरामान लामा, सचिव तथा बागमति प्रदेश इञ्चार्ज विष्णु तारुके, पत्रकार महासंघका सचिव सिर्जना अर्याल, महासंघ चितवन अध्यक्ष नारायणप्रसाद अधिकारी, उद्योग बाणिज्य संघ चितवनका उपाध्यक्ष राजेन्द्र ओली लगायतले शुभकामना ब्यक्त गरेका थिए ।

सो कार्यक्रममा नेकपा एमाले चितवन अध्यक्ष न्यौपानेले पार्टीका तर्फबाट १ लाख १ हजार २१, चौतारीका अध्यक्ष बस्नेतले ५० हजार ५ सय ५५, प्रेस चौतारी निर्वाचन आयोगका उपाध्यक्ष नवराज ढकालले ५० हजार, व्यवसायी बचन कार्कीले ५५ हजार ५ सय ५५ र पत्रकार महासंघ चितवनका अध्यक्ष नारायण अधिकारीले एक ट्रिप ढुंगा उपलब्ध गराउने घोषणा गरेका थिए साढे ३ तले भवनको कुल लागत १ करोड ३० लाख रहेको छ । भवनको भुईं तलामा कार्यालय भवन, दोस्रो तलामा हल, तेस्रो तलामा आवासीय कोठा र त्यसमाथि किचनसहितको संरचना रहने चौतारी चितवनका अध्यक्ष पण्डितले जानकारी दिए ।

चौतारीले भवन निर्माणमा आर्थिक सहयोग जुटाउन गत कार्तिक ४ गते वृहत सांस्कृतिक तथा सांगितिक साँझको आयोजना गरेको थियो । भवन निर्माणका लागि ठेक्का सम्झौता भईं निर्माण कार्य अगाडि बढेको चौतारी चितवनका अध्यक्ष पण्डितले जानकारी दिए । २०८० सालभित्र भवन निर्माण गरिसक्ने लक्ष्यसहित थालिएको निर्माणमा सबै पक्षबाट सहयोगको अपेक्षा गरिएको अध्यक्ष पण्डितले बताए ।

भवन निर्माणका लागि अलग्गै खाता खोलेर विभिन्न समितिहरु गठन गरिएका छन् । भवन निर्माणका लागि शंकर अधिकारीको संयोजकत्वमा लेखा समिति, संस्थापक एवं पत्रकार महासंघ चितवनका पूर्वअध्यक्ष विष्णु छिमेकीको संयोजकत्वमा सल्लाहकार समिति, तिलकराम रिमालको संयोजकत्वमा अनुगमन समिति गठन गरिएको छ ।

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर