दमौली, जेठ ६
मुग्लिङ पोखरा सडक योजना पुर्वी खण्डले पृथ्वी राजमार्गको सडक मध्य भागबाट २५ मिटर भित्र कुनै पनि स्थाइ र अस्थाइ संरचना नवनाउन सुचना जारी गरको छ ।
आँबुखैरेनी गाउँपालिका, बन्दीपुर गाउँपालिका, ब्यास नगरपालिका र म्याग्दे गाउँपालिकालाई पत्राचार गर्दै पृथ्वी राजमार्ग सडक बिस्तार कार्य भइरहेको र अझै पनि सडक मध्य भागबाट दायाँ बायाँ २५ मिटर भित्र नयाँ संरचना बनाउने कार्य नरोकिएको हुँदा त्यस्ता संरचना निर्माणमा रोक लगाउन पत्राचार गरिएको मुग्लिङ पोखरा सडक योजना पुर्वी खण्डका योजना प्रमुख नरेन्द्र सुबेदीले बताए ।
सडक मध्य भागबाट दायाँ बायाँ २५ मिटर भित्र नयाँ संरचना बनाउने कार्य कडाइका साथ रोक लागउन स्थानिय तहलाइ सहजिकरण गरिदिन आग्रह गरेको छ ।
