देवघाट, जेठ १३
देवघाट गाउँ पालिका-५ देवपुर स्थित बराहा प्राविको गत साता तोकिएको लिखित परिक्षा स्थगित भएपछि उक्त परिक्षा शुक्रबार सन्चालन भएको छ।
लिखित परिक्षामा गाउँपालिकाले चलखेल गरेको आशंकापछि परिक्षार्थीले विरोध गरेपछि उक्त परिक्षा स्थथगित भएको थियो । गाउँपालिकाका शिक्षा शाखाका प्रमुखले आफ्नो श्रीमतीलाई उत्तिर्ण गराउन विषयविज्ञसँग मिलेर चलखेल गरेको अन्य परिक्षार्थीको आरोपपछि उक्त परिक्षा स्थगित भएको थियो ।
शुक्रबार पत्रकारहरुको समेत उपस्थितिमा परिक्षा सन्चालन गरिएको विद्यालयका प्रअ सोमबहादुर थापाले बताए । शुक्रबार भएको परिक्षा शान्तिपूर्ण र विश्वसनीय भएको प्रअ थापाले बताए ।
