दमौली, असार ६
तनहुँको आवुँखैरेनी गाउँपालिका–६ स्थित कन्यादेवी माविमा विद्यार्थीलाई पढ्दै, रमाउँदै र कमाउँदै कार्यक्रम अन्तर्गत लोकल कुखुरा पालन सुरु गरिएको छ ।
विद्यालयले बुधबारदेखी विद्यालयको एउटा कोठामा २ सय वटा स्थानीय प्रजातीका कुखुराको चल्ला पाल्न सुरु गरेको विद्यालयका प्रअ सुर्यमान गुरुङले जानकारी दिए । आँबुखैरेनी गाँउपालिकाको एक वडा एक उत्पादन अन्तरगत विद्यालयले कुखुरा पालन सुरु गरेको प्रअ गुरुङले बताए ।
विद्यालयका विद्यार्थीहरूलाई प्रयोगात्मक शिक्षा अन्तर्गत पढ्दै रमाउँदै, कमाउँदै अभियानको रूपमा कुखुरा पालनलाई अगाडी बढाईने प्रअ गुरुङले बताए । आवुँखैरेनी गाउँपालिकाले एक वडा एक उत्पादन तथा विद्यार्थीहरुलाई पढ्दै, रमाउँदै र कमाउँदै कार्यक्रम पनि सुरु गरेको छ ।
