दमौली, असार ७
म्याग्दे गाउँपालिका-४ स्थित सुप्रिम वचत तथा ऋण सहकारी संस्थाकाे १५ अौं स्थापना दिवसको अवसरमा म्याग्दे गाउँपालिकाका ३ वटा सामुदायिक बिद्यालयलाई आर्थिक सहयोग गरिएको छ ।
सहकारीले सामाजिक उत्तरदायित्वकाे भावना अन्तर्गत म्याग्देका ३ वटा बिद्यालयलाई प्रति बिद्यालय ७ हजार ५ सयका दरले कुल २२ हजार ५ सय आर्थिक सहयोग गरेको सहकारीका अध्यक्ष मनाेज अधिकारीले बताए ।
यसरी सहयोग पाउने विद्यालयमा म्याग्दे -१ मा रहेको महेन्द्र माध्यमिक बिद्यालय , म्याग्दे -२ काे राधा माध्यमिक बिद्यालय र म्याग्दे- ४ काे मीन माध्यमिक बिद्यालय रहेको अधिकारीले बताए ।
सहकारीको स्थापनाकाे अवसरमा रक्तदान, स्वास्थ्य सिबिर लगायतका कार्यक्रम गर्दै आएकाेमा यसपटक बिद्यालयले बस खरिद गर्न लागेको हुँदा आर्थिक सहयोग गरेको सहकारीका उपाध्यक्ष भिमलाल श्रेष्ठले बताए । सहकारीले आफ्नाे मुख्य कार्यलय रहेको थर्पु तथा शाखा कार्यलय रहेको गुणादी सेवा केन्द्र बाट पहिलो सेवा लिने सेवाग्राहीलाई सम्मान गरेको सहकारीका व्यवस्थापक रमेश श्रेष्ठले बताए ।
