संजय श्रेष्ठ
ऋषिङ, असार १२
तनहूँको घीरिङ गाउँपालिका–४ बाह्रबिसेमा करिब ७० रोपनी क्षेत्रफलमा अंगुर खेती गरिएको छ । वाइन उत्पादन तथा टेबुल फलकालागि गरिएको सो खेतीबाट पहिलो वर्ष १० हजार किलो अंगुर उत्पादन गर्ने लक्ष्य राखिएको छ ।
घिरिङ्ग भाइन यार्ड एण्ड रिसर्च सेन्टर नामले घिरिंङ्ग गाउँपालिकामा दर्ता भएको सो फर्ममा स्वीजरल्याण्डबाट बिरुवा आयात गरेर पहिलो वर्ष करिब ९ हजार ५०० बरुवा रोपिएको छन् । काठमाडौंका कुमार कार्कीले सन्चालन गरेका यस फर्ममा करिब ३२ प्रजातिका विभिन्न अंगुरहरु सुरुको वर्ष परिक्षणका लागि लगाईएको छ ।
कार्कीका अनुसार हालसम्म उक्त फर्ममा करिब ४० करोड लगानी भै सकेको छ । पातले बन् भाइन्यार्ड वाइनरी नामक वाईन् बजारमा ल्याइएको समेत कार्कीले बताए । कम्पनीको बार्षिक ३ लाख लिटर वाइन उत्पादन क्षमता रहेको छ ।
प्रति ७५० एम.एलको वाइन तर्फ विभिन्न तीन भेराइटीलाई प्रति बोतल १२०० रुपैयाँमा बजारमा ल्याएको कार्कीले बताए । धादिङको थाक्रे गाउँपालिकाको जुङ्गेखोलामा विगत १५ वर्ष देखि करिब १५० रोपनीमा खेती गर्दै आएको र वाइनका लागि अंगूर प्रशोधन लगाएत उत्पादन उद्योग समेत सोही स्थानमा रहेको कार्कीले बताए । २ वर्ष अगाडि सुरु गरिएको खेतीमा हारियोमा सुजी, कायाबिनेट क्यान्टर, मनाज, सोबिनियन ग्रीस, तथा खाने अंगुरमा फन्नि, सोफिया, आरकडीया, पोलिस्की, दुचबा, चालिचमान, लगाएतका भेराइटीहरु रोपिएको र उत्पादन सुरु भएको बताए ।
बिरुवा रोपेको १ वर्षमा फल दिन सुरु गर्ने जसमा पहिलो वर्षमा प्रति बोट ३–४ केजी उत्पादन चैत बैशाख मा फूल फुले सँगै ३ महिनामा फल टिप्न तयार हुने फार्मका प्राविधिक सान्नानी तामाङ्गले जानकारी दिईन् । फाल्गुन देखि फूल खेल्ने र असारको पहिलो साता सम्म फल टिपिने कार्कीले जानकारी दिए । स्वीजरल्याण्डबाट खरिद गरिएको प्रति बिरुवा नेपाली ७ सय देखि १ हजार सम्म पर्ने गरेको उनीले बताईन् । फर्मले दैनिक ज्यालादारीमा मासिक १२–१५ जनालाई प्रतक्ष्य रूपमा रोजगारी समेत दिएको छ । मासिक घास कटाई, बिरुवा गोडमेल, मल तथा अन्य व्यवस्थापकीय काममा खटिएका स्थानीयहरुलाई राम्रो आम्दानीको स्रोत समेत बनेको उनीहरू बताउँछन् ।
नेपालमा अंगूर खेती असफल हुन्छ भन्ने धारणा र वातावरण प्रतिकूल भएको निष्कर्ष निकाल्दै अंगूर खेतीतर्फ सरकारले ध्यान नदिएको कार्की बताउँछन् । आफू पर्यटन क्षेत्रमा काम गरेको भएतापनि कृषि क्षेत्रमा नयाँ अनुसन्धानात्मक हिसाबले अंगूर खेती तर्फ आकर्षित भएको बताए । घिरिङ्गमा हाल प्रारम्भिक चरणमा ८–१० भेराइटीको उत्पादन राम्रो भएको उनले भने ।
धादिङमा भएको फार्मका लागि बागमती प्रदेश बिग फार्म नामक कार्यक्रम शीर्षकमा १२ ओटा फर्म मध्यमा पर्न् सफल भएको र सो बापत ५५ लाख बराबरको अनुदान रकम समेत पाएका उनको यस वर्ष घिरिङ्ग रिसर्च सेन्टरबाट १० हजार किलो भन्दा धेरै उत्पादन लिने अनुमान गरिएको कार्कीले बताए ।
