बन्दिपुर, मंसिर २
बन्दिपुर गाउँपालिकाको आयोजनामा सवै वडाहरुमा स्त्री रोग सम्बन्धी निःशुल्क स्वास्थ्य शिविर हुने भएको छ ।
सबै वडाका महिला दिदी बहिनीहरुको स्वास्थ्य उपचार गर्ने उद्देश्यले सो शिविर आयोजना गरिएको गाउँपालिकाले जनाएको छ ।
वडा नम्बर ६ को धरमपानी स्वास्थ्य चौकीमा मंसिर १० गते आइतवार, वडा नम्बर १ को पिप्ले आधारभुत स्वास्थ्य सेवा केन्द्रमा मंसिर ११ गते सोमबार, वडा नम्बर २ को कुकुर्दी आधारभुत स्वास्थ्य सेवा केन्द्रमा मंसिर १२ गते मंगलबार स्वास्थ्य शिविर हुने भएको छ ।
यसैगरि वडा नम्बर ३ को सुखौरा आधारभुत स्वास्थ्य सेवा केन्द्रमा मंसिर १३ गते बुधबार, वडा नम्बर ४ को कल्चोक आधारभुत स्वास्थ्य सेवा केन्द्रमा मंसिर १४ गते बिहीबार र वडा नम्बर ४ को बन्दिपुर अस्पताल बन्दिपुरमा मंसिर १५ शुक्रबार शिविर हुने गाउँपालिकाको स्वास्थ्य शाखाका प्रमुख अन्जिर भट्टराईले जानकारी दिएका छन् ।
