देवघाट, मंसिर १५
तनहुँको देवघाट गाउँपालिका-५ स्थित वेणी संगमको कालीगण्डकी नदिमा डुबेका एक बृद्धको सकुशल उद्धार गरिएको छ ।
शुक्रबार बिहान नुहाउने क्रममा डुबेका ८८ बर्षिय यज्ञबहादुर भन्डारीलाई स्थानीय बोटे समुदायका व्यक्तिहरुले उद्धार गरेका थिए ।
कालिगन्डकी र त्रिशूलीको संगम बेणीमा नुहाउने क्रममा भन्डारीलाई नदिले बगाएपछि तत्कालै उद्धार गरिएको देवघाट क्षेत्र विकास समितिका डुंगा चालक रमेश बोटे लगायतले उद्धार गरेको इलाका प्रहरी कार्यालय देवघाटले जानकारी दिएको छ ।
नेपालगन्ज घर भएका भण्डारीको देवघाट धर्मार्थ अस्पतालमा उपचार गरि हाल गलेश्वर आश्रममा राखिएको इप्रका देवघाटका प्रमुख कृष्णबहादुर बानियाँले जानकारी दिए । उनको अवस्था हाल सामान्य रहेको छ ।
