दमौली, मंसिर १६
तनहुँमा एकै परिवारका चार जना सवार मोटरसाईकललाई ट्रकले ठक्कर दिँदा एक महिलाको मृत्यु भएको छ भने तिन जना घाइते भएका छन् । मृत्यु हुनेमा भिमाद नगरपालिका–९ थामडाँडा की २६ बर्षिया शुकमाया विक रहेकी छिन् । सो दुर्घटनामा शुकमायाका पति ३४ बर्षिय रामचन्द्र विक र उनका ६ र ३ बर्षिय छोराहरु क्रमशः गुराँस विक र सुमन विक रहेका छन् ।
शनिबार साँझ म्याग्दे गाउँपालिका ६ मौरीबजार स्थित पृथ्वी राजमार्ग सडक खण्डमा दमौली तर्फबाट पोखरा तर्फ जादै गरेको ग १७ प ६५९७ नम्बरको मोटरसाइकललाई सोही दिशाबाट जादैँ गरेको बा.प्र.०१–००६ ख २८६१ नं. को ट्रकले ठक्कर दिँदा सो दुर्घटना भएको थियो ।
दुर्घटनामा घाइते भएकी सुकमायाको उपचारको क्रममा जिपी कोईराला स्वास प्रश्वास केन्द्र बेलचौतारामा मृत्यु भएको प्रहरीले जनाएको छ । अन्य तिन घाईतेहरुको सोही अस्पतालमा उपचार भईरहेको छ । ट्रक चालकलाई नियन्त्रणमा लिई थप अनुसन्धान भइरहेको जिल्ला प्रहरी कार्यालयले जनाएको छ ।
