रुपन्देही र पाल्पाका जनप्रतिनिधि र व्यवसायीसँग बन्दिपुरको पर्यटनको बारेमा अन्तरक्रिया

Devghat Online

शेयर गरौ

दमौली, पुस १२

बन्दिपुरको पर्यटनको बारेमा रुपन्देही र पाल्पाका जनप्रतिनिधि र उद्योगी व्यवसायीसँग अन्तरक्रिया गरिएको छ । बन्दिपुरको पर्यटन प्रबद्र्धनको निम्ति ‘जाऔं है बन्दीपुर’ अभियान सुरु गरि आन्तरिक पर्यटकलाई बन्दिपुर घुम्न आउन निम्ता दिने उद्देश्यले रुपन्देही र पाल्पा पुगेका बन्दिपुरका जनप्रतिनिधि, व्यवसायी तथा पर्यटनविद्हरुले विहिबार बुटवल उपमहानगरपालिका तथा तानसेन नगरपालिकाका जनप्रतिनिधि तथा त्यस क्षेत्रका उद्योगी व्यवसायीहरुसँग अन्तरक्रिया गरेको छ ।

बुटवल उपमहानगरपालिकाका मेयर खिलराज पाण्डेसँगको भेटमा बन्दिपुर गाउँपालिकाका अध्यक्ष सुरेन्द्र थापाले सो उपमहानगरपालिकाको बैठक एकपटक बन्दिपुरमा राख्न अनुरोध गरे । सो अवसरमा मेयर पाण्डेले आफुले यसबारेमा कार्यपालिकाका सदस्यहरुसँग छलफल गरेर निर्णय गर्ने भन्दै बन्दिपुर आउने आफ्नो चाहाना रहेको बताएका थिए ।

त्यस्तै सोही टोलीले बुटवलमा सन्चालन भईरहेको लुम्बिनी एक्स्पो मेलामा गई बन्दिपुरको पर्यटनको बारेमा प्रचार गरिएको अध्यक्ष थापाले बताए । त्यसैगरि रुपन्देही उद्योग संघ तथा होटल तथा रेष्टुरेन्ट व्यवसायी संघका पदाधिकारीहरुसँग पनि छलफल तथा अन्तरक्रिया गरि बन्दिपुरको पर्यटनको बारेमा प्रचार प्रसार गरेको थियो । सो अवसरमा उद्योगी व्यवसायीलाई बन्दिपुर घुम्न आउन निमन्त्रणा दिईएको थियो ।

यसैगरि विहिबार नै पाल्पाको तानसेन नगरपालिकाका प्रमुख तथा उपप्रमुखसँग पनि अन्तरक्रिया गरिएको थियो । साथै तानसेनका पर्यटनविद्, होटल तथा रेष्टुरेन्ट व्यवसायी संघहरुसँग पनि अन्तरक्रिया गरि बन्दिपुर घुम्न आउन निमन्त्रणा गरिएको थियो । बन्दिपुर गाउँपालिकाका अध्यक्ष थापाको नेतृत्वमा रहेको सो टोलीले शुक्रबार स्याङजाको वालिङ नगरपालिकामा अन्तरक्रिया गर्ने तथा पोखराको फोहोर व्यवस्थापन सम्बन्धी अवलोकन गर्ने कार्यक्रम रहेको छ । सो टोलीमा होटल व्यवसायी, पर्यटनविद तथा सन्चारकर्मीहरु रहेका छन् ।

विगतका वर्षहरुको जस्तै आन्तरिक पर्यटकको संख्या बढाउन बन्दिपुर गाउँपालिकाले ‘जाऔं हैं बन्दीपुर’ अभियान सुरु गरेको हो । गाउँपालिका अध्यक्ष थापाका अनुसार ठूला शहरबाट आन्तरिक पर्यटकलाई बन्दीपुर भित्र्याउन ‘जाऔं हैं बन्दीपुर’ अभियान देशका प्रमुख शहरमा केन्द्रित गरिएको हो । सो टोली चितवन हुँदै रूपन्देहीको बुटवल भैरहवाबाट अभियान सुरु गर्न हिँडेको पालिका अध्यक्ष थापाले बताए । पहाडकी रानीको रुपमा चिनिने बन्दिपुरको पर्यटनलाई विगतको जस्तै चलायामान गराउन अभियान चालिएको थापाले बताए ।

पृथ्वी राजमार्गको डुम्रे बजारबाट ९ किलोमिटर कालोपत्रे उकालो बाटो गएपछि सजिलैसँग बन्दिपुर पुग्न सकिन्छ । आगामी नेपाली नयाँ बर्षको अवसरमा बन्दीपुरमा वृहत सांस्कृतिक कार्यक्रम गरी नयाँ बर्ष मनाउन यसपटक बन्दीपुर जाने भन्ने अभियानलाई तीब्र पारिने गाउँपालिका अध्यक्ष थापाले बताए । गाउँपालिकाले बर्षभरि नै चलाउने यो अभियानबाट १ लाखभन्दा बढी पर्यटकलाई बन्दीपुर भि¥याउने योजना छ । गाउँपालिकाले विभिन्न पर्यटकीय केन्द्रहरुको जानकारी दिन डिजिटल क्यूआर बोर्डको समेत व्यवस्था गरेको छ । ती पर्यटकीय केन्द्रमा पुगेर क्यूआर स्क्यान गर्दा त्यसका बारेमा पूर्ण विवरणसहितको जानकारी प्राप्त हुने पालिका अध्यक्ष थापाले बताए ।

बन्दिपुर पर्यटन परिषदका पुर्व अध्यक्ष तथा होटल व्यवसायी बैंश गुरुङले जाऔं है बन्दीपुर अभियानलाई लक्षित गरेर होटल लगायतका क्षेत्रमा विषेश अफर र प्याकेजहरु घोषणा गरिने बताए । बन्दीपुरमा साना ठूला गरेर ६६ वटा होटल छन् । एक पाँच तारे होटल र केवलकार निर्माणको अन्तिम चरणमा छ । बन्दीपुरमा एक रातमा होटलमा ५ सय होमस्टेमा ४ सय जना बस्न सक्ने क्षमता रहेको छ ।

प्रतिक्रिया दिनुहोस्

सम्बन्धित समाचारहरू

देवघाटमा जेष्ठ नागरिकलाई न्यानो कपडा वितरण गर्दा अनियमितता भएको ठहर

देवघाट, जेठ ३१ देवघाट गाउँपालिकामा जेष्ठ नागरिकलाई न्यानो कपडा वितरण गर्दा अनियमिता भएको महालेखा परिक्षण

राष्ट्रिय परिचयपत्र दर्तामा भिड गर्नु पर्दैन, ‘भाद्र मसान्तसम्म सामाजिक सुरक्षा भत्ता नविकरण गर्न सकिने’

दमौली, जेठ ३० गृह मन्त्रालय अन्तर्गतको राष्ट्रिय परिचयपत्र तथा पन्जिकरण विभागले भदौ मसान्तसम्म सामाजिक सुरक्षा