अन्जान परियार
पुस २५, भिमाद
भिमाद नगरपालिका-३ आमडाँडा- सेर्का (बरालथुम्किमा ) बुधबार बिहान फोर्स जिप दुर्घटना हुँदा २ जनाको मृत्यु भएको छ । दुर्घटनामा ९ जना घाइते भएका छन। पोखराबाट रामपुर तर्फ जाँदै गरेको ग १ ज ६३५६ नम्बरको फोर्स जिप बिहान १० बजे भिमादको सेर्का बरालथुन्कीमा दुर्घटना भएको हो ।
उक्त जिप शृङ्गपथ मोटरमार्गबाट १ सय ७० मिटर तल खसेको उक्त जिपमा चालक सहित १२ जना सवार थिए। घाईते मध्ये ४ जना गम्भीर घाइते रहेका छन । बाकी मध्यम घाइते रहेका छन भने चालक सकुशल प्रहरीको नियन्त्रणमा रहेको इलाका प्रहरी कार्यालय भिमादका प्रमुख प्रहरी नायब निरिक्षक उदयराज पैडेलले जानकारी दिए।
३ जना घाइतेहरुलाई उपचारका लागि पश्चिमाञ्चल क्षेत्रीय अस्पताल पोखरा पठाईएको र अन्य घाइतेको जिपि कोइराला हस्पिटल बेलचैतारामा उपचार गरिएको छ ।
भिमाद प्रहरी र स्थानिय युवाहरुको सहयोगमा घाइतेलाई उद्दार गरि भिमाद नगरपालिका र घिरिङ गाउँंपालिकाको एम्बुलेन्समा हस्पिटल पठाइएको हो। घाइतेहरुकध पहिचान खुल्न बाँकी रहेको प्रहरीले जनाएको छ ।
