काठमाडौं, पुस २८-
त्रिभुवन अन्तर्राष्ट्रिय विमानस्थलबाट अन्तर्राष्ट्रियतर्फ यात्रा गर्ने यात्रुको संख्या बढेको छ ।
अघिल्लो वर्षको तुलनामा सन् २०२३ मा अन्तर्राष्ट्रियतर्फ यात्रु आवागमन बढेको हो । जसमा यात्रु आवागमन ३०.१८ प्रतिशतले बढेको हो र यो अहिलेसम्मकै धेरै हो ।
त्रिभुवन अन्तर्राष्ट्रिय विमानस्थल कार्यालयका अनुसार अन्तर्राष्ट्रियतर्फ ४५ लाख ४१ हजार १३७ यात्रुले सेवा लिएका छन् । आन्तरिकतर्फ भने यात्रुको संख्या घटेको छ । गत वर्षको तुलनामा ७.०७ प्रतिशतले यात्रु आवागमन घट्दा त्रिभुवन विमानस्थलबाट ४१ लाख ५० हजार ३२६ यात्रु आएका छन् ।
