देवघाट, पुस २९
देवघाट गाउपालिका- ५ गोहीटार स्थित हिरा कुमारी क्षेत्रीको कुखुरा फारममा आईतवार दिउँसो आगलागी हुँदा सयौं कुखुराको चल्ला जलेर नष्ट भएका छन् ।
क्षेत्रीले व्यवसायिक रुपमा पाल्दै आएको कखुरा फारममा विद्युत सट भई आगजनी भएको थियो । आगजनीबाट कुखुराको खोरको माथिल्लो भाग पुर्ण रुपमा जलेर नष्ट भएको छ भने हालै राखिएको करीव १ हजार चल्ला मध्ये सयौं जलेर नष्ट भएको क्षेत्रीले बताईन् ।
स्थानिय गाउँले हरुको सहयोगमा आगो निभाउने काम भएको र भरतपुर चितवन बाट आएको दमकलको सहयोगमा आगो पुर्ण रुपमा नियन्त्रण भएको स्थानीय समाजसेवी बद्रि प्रसाद मिश्रले बताए ।
