आबुँखैरेनी, माघ १८
पुर्व मन्त्री तथा प्रतिनिधि सभाका सांसद कृष्णकुमार श्रेष्ठ किसानले आबुँखैरेनी गाउँपालिकाद्वारा सन्चालित आबुँखैरेनी अस्पतालको अनुगमन गरेका छन् ।
सांसद श्रेष्ठले विहिबार आबुँखैरेनी अस्पतालमा गई सो अस्पतालले प्रदान गरिरहेको सेवा सुविधा तथा अस्पतालको भौतिक तथा वित्तिय अवस्थाको बारेमा जानकारी लिएका थिए ।
सो अवसरमा सांसद श्रेष्ठले आबुँखैरेनी अस्पताललाई आवश्यक पर्ने दक्ष जनशक्ति तथा उपकरण व्यवस्थापनकोलागि आफुले पहल तथा सहयोग गर्ने प्रतिबद्धता जनाए ।
सो अवसरमा आबुँखैरेनी गाउँपालिकाका अध्यक्ष शुक्र चुमानले अस्पतालको अवस्थाको बारेमा सांसद श्रेष्ठलाई जानकारी दिँदै भौतिक पुर्वाधार विकास, थप दक्ष जनशक्ति तथा उपकरणको व्यवस्थापनकोलागि सहयोग गर्न सांसद श्रेष्ठ समक्ष अनुरोध गरेका थिए ।
