बन्दिपुर, माघ १८
बन्दिपुर गाउँपालिकामा विहिबार सुचनाको हक सम्बन्धी अन्तरक्रिया कार्यक्रम सम्पन्न भएको छ ।
राष्ट्रिय सुचना आयोगको आयोजनामा भएको सो कार्यक्रममा बोल्दै आयोगका आयुक्त रत्नप्रसाद मैनालीले सुचनाको हकको महत्वबारेमा जानकारी गराएका थिए ।
सो कार्यक्रममा बोल्दै बन्दिपुर गाउँपालिकाका अध्यक्ष सुरेन्द्र बहादुर थापाले सुचनाको हकको सम्मान गर्दै गाउँपालिकाको कार्य सम्पादनलाई पारदर्शी र प्रभावकारी बनाईएको बताए । अध्यक्ष थापाले गाउँपालिका निर्णयहरु वेवसाईट मार्फत सार्वजानिक गरिएको पनि बताए ।
आयोगका आयुक्त रत्नप्रसाद मैनालीको अध्यक्षतामा भएकोगाउँपालिकाका निमित्त प्रमुख प्रशासकीय अधिकृत विष्णु खत्री, आयोगको कार्यालयका कर्मचारीहरु, बन्दिपुर गाउँपालिकाका कार्यपालिका सदस्यहरु, अन्य सरोकारवाला ब्यक्ती तथा निकायहरुका प्रमुख एवम् प्रतिनिधिहरु तथा गाउँपालिकाको कार्यालय र मातहतका कार्यालयका कर्मचारीहरुको सहभागिता रहेको थियो ।
