चितवन, माघ १९
जिल्ला प्रहरी कार्यालय चितवनले साहारा चितवन बहुउद्देश्यीय सहकारी संस्था लि.का निक्षेपकर्ताहरुलाई उजुरी दिन आह्वान गरेको छ ।
चितवन प्रहरीले शुक्रबार सार्वजानिक सुचना प्रकाशित गरि भरतपुर महानगरपालिका वडा नम्बर ३ लायन्सचोकमा केन्द्रिय कार्यालय रहेको साहारा चितवन बहुउद्देश्यीय सहकारी संस्था लि.को केन्द्रीय कार्यालय, सेवा केन्द्र टाँडी र पर्सा शाखाका संस्थापक अध्यक्ष, कार्य समितिका पदाधिकारी र व्यवस्थापक समेतले उक्त सहकारीमा आवद्ध रहेका निक्षेपकर्ताहरुको रकम ठगी गरेको भनि ठगी सम्बन्धी कसूरमा यस कार्यालयमा जाहेरी प्राप्त हुन आएको र हाल उनीहरु विरुद्ध ठगी कसूर मुद्दा शिर्षकमा अनुसन्धान कार्य जारी रहेकोले उजुरी दिन छुटेका अन्य निक्षेपकर्ताहरु १५ दिन भित्र जिल्ला प्रहरी कार्यालयमा उपस्थित भई उजुरी दिन अनुरोध गरिएको जिल्ला प्रहरी कार्यालय चितवनका डिएसपी तथा सुचना अधिकारी श्रीराम भन्डारीले जानकारी दिए ।
