देवघाट, माघ २४
देवघाट गाउँपालिका वडा नम्बर २ को कराँदिपमा प्रधानमन्त्री रोजगार कार्यक्रम अन्तर्गत कुलो निर्माण गरिएको छ ।
प्रधानमन्त्री रोजगार कार्यक्रम मार्फत वडा नम्बर २ मा ‘गलगले कुलो मर्मत’ योजना निर्माण अन्तिम चरणमा पुगेको देवघाट गाउँपालिकाका रोजगार संयोजक कर्ण गुरुङले जानकारी दिए ।
गलगले रोजगार उपभोक्ता समिति मार्फत सन्चालित उक्त योजना अन्तर्गत ३ जना श्रमिकले ८२ मिटरको पक्की कुलो निर्माण गरिररहेका छन् । उक्त कार्यकोलागि कुल २२४ दिन रोजगारी सिर्जना हुने गुरुङले जानकारी दिए ।
उक्त कार्यकोलागि २ लाख ५० हजार रुपैयाँ विनियोजन गरिएकोमा २ लाख ५१ हजार ९ सय ८३ रुपैयाँ खर्च हुने अनुमान गरिएको गाउँपालिकाका रोजगार संयोजक गुरुङले बताए ।
प्रधानमन्त्री रोजगार कार्यक्रम अन्तर्गत चालु आर्थिक वर्षकोलागि देवघाट गाउँपालिकामा २९ वटा योजना छनौट गरिएको छ । ति योजना कार्यन्वयनकोलागि गाउँपालिका भरी २५८ जना बेरोजगारहरु सुचिकृत रहेका छन् । यिनै २५८ जना मध्ये प्राथमिकताको आधारमा रोजगारी दिईने गुरुङले जानकारी दिए ।
