आदिकवि भानुभक्त क्याम्पसको खेल सप्ताहको तयारी पुरा, छाब्दी बाराही मन्दिरको सरससफाई

Devghat Online

शेयर गरौ

दमौली, माघ २९

आदिकवि भानुभक्त क्याम्पसको वार्षिक खेल सप्ताह कार्यक्रमको तयारी बैठक आइतबार क्याम्पसमा सम्पन्न भयो । अतिरिक्त क्रियाकलाप समितिका संयोजक तिलबहादुर थापाको अध्यक्षतामा भएको सो बैठकमा खेल सप्ताहको तयारीको बारेमा छलफल भएको थियो । तयारी बैठकमा उक्त खेल सप्ताहमा खेलाइने १२ वटा खेल उपसमितिका संयोजकहरूले हालसम्म भएको खेल आयोजनाको तयारीको बारेमा जानकारी गराएका थिए ।

खेल सप्ताहको अवसरमा क्याम्पसले फागुन २ गते आदिकवि भानुभक्त क्याम्पस–छाब्दि बाराही मिनी म्याराथन दौड राखेको छ । स्वास्थ्यदेखि आस्थासम्म क्याम्पसदेखि मन्दिरसम्म भन्ने मुल नाराका साथ मिनी म्याराथन प्रतियोगिता राखिएको क्याम्पसले जनाएको छ । दौड क्याम्पसको मूल गेटबाट शुरु भई छाब्दी बाराही मन्दिर परिसर सम्म टुङ्गिने छ । दौडमा जिल्लाका २६ वटा शैक्षिक संस्थाका २ सय जना सहभागीहरूले भाग लिन नाम दर्ता गरेको दौड प्रतियोगिताका संयोजक सहायक प्राध्यापक धनबहादुर थापा अनुरागले जानकारी दिएका थिए ।

उक्त अवसरमा भलिबल खेलका संयोजक सहायक प्राध्यापक बुद्धकुमार श्रेष्ठ, ब्याडमिन्टन खेलका संयोजक उपप्राध्यापक विष्णुकुमार यादव, टेबल टेनिस खेलका संयोजक उपप्राध्यापक सागर न्यौपाने, कबड्डी खेलका संयोजक उपप्राध्यापक प्रकाश गैह्रे, १ सय मिटर दौड खेलका संयोजक सहायक प्राध्यापक चीजकुमार श्रेष्ठ, सर्टपुट खेलका संयोजक सहायक प्राध्यापक गोपाल ढुङ्गाना, हाइजम्प खेलका संयोजक सहायक प्राध्यापक रमेश गिरी, लङजम्प खेलका संयोजक सहायक प्राध्यापक विष्णु हड्खले र घैटो फुटाई संयोजक सहायक प्राध्यापक नारायणी अधिकारीले खेलको तयारीको बारेमा जानकारी गराएका थिए ।

मिनी म्याराथनमा प्रथम हुनेलाई १५ हजार द्वितीय हुनेलाई १० र तृतिय हुनेलाई ५ हजार पुरस्कार दिइने भएको छ । त्यसैगरी फुटबल खेलमा प्रथम हुनेले १० हजार द्वितीय हुनेले ५ हजार नगद पुरस्कार पाउनेछन् । त्यसैगरी भलिबल भलिबल खेलमा प्रथम हुनेले ६ हजार र द्वितीय हुनेले ४ हजार पुरस्कार पाउनेछन् । त्यसैगरी ब्याडमिन्टन खेलमा प्रथम हुनेले २ हजार द्वितीयले १ हजार नगद पुरस्कार पाउनेछन् ।

यसैगरि टेबल टेनिस खेलमा प्रथम र द्वितीयलाई क्रमश २ हजार पुरस्कार नगद राशि प्रदान गरिनेछ । कबड्डी खेलमा प्रथमलाई ५ हजार र द्वितीयलाई ३ हजार रुपैया नगद पुरस्कार प्रदान गरिनेछ। डोरी तान्ने खेलमा प्रथम हुने समूहले ३ हजार ५ र द्वितीय हुने समूहले २ हजार र १ हजार नगद पुरस्कार पाउनेछन् । १ सय मिटर दौडमा प्रथमलाई २ हजार र द्वितीयलाई १ हजार नगद पुरस्कार दिइनेछ । छेलो अथवा सर्टपुट हाइजम्प, लङजम र घैँटो फुटाई खेलमा मात्र प्रथम हुनेले १÷१ हजार रुपैयाँ नगद पुरस्कार पाउनेछन् ।

यस वर्षको खेल सप्ताहका खेलहरू फागुन १ गतेबाट सुरु भई फागुन ६ गते समापन हुने क्याम्पसले जनाएको छ । बैठकमा मिनि म्याराथन बाहेकका सामुहिक खेलहरूमा क्याम्पसका विभिन्न संकाय, तह र वर्षका १२५ वटा टिम दर्ता भएको जानकारी गराइएको थियो ।

यसैविच आदिकवि क्याम्पसबाट छाब्दी बाराही मन्दिरसम्म मिनी म्याराथन हुनेभएपछि क्याम्पसका विद्यार्थीहरुले सोमबार छाब्दीबाराही मन्दिरको सरसफाई गरेका छन् ।

प्रतिक्रिया दिनुहोस्

सम्बन्धित समाचारहरू

जनताको आशा र विश्वास फर्काउन राजनीतिक कोर्ष परिवर्तनः एमाले उपमहासचिव ज्ञवाली

दमौली, बैशाख १ नेकपा एमालेका उपमहासचिव प्रदिप ज्ञवालीले जनताको आशा र विश्वास फर्काउन राजनीतिक कोर्ष