दमौली, फागुन १०
नेकपा एमालेको सदस्यता चैत १५ गते भित्र नविकरण गरिसक्नु पर्ने भएको छ । गत फागुन ७ गते सम्पन्न जिल्ला कमिटिको बैठकले जिल्ला अधिवेशनकोलागि चैत १५ गते भित्र सदस्यता नविकरण गरिसक्नु पर्ने निर्णय गरेको हो ।
सदस्यता नविकरण र जिल्ला अधिवेशनको तयारीकोलागि सबै तहका कमिटिको बैठक फागुन १५ गते भित्र राख्ने एमालेले निर्णय गरेको छ । पार्टी सदस्यता विना जिल्ला अधिवेशन गर्न नपाईने र सदस्यता नविकरण नभएको पार्टी सदस्यले जिल्ला अधिवेशनमा भाग लिन नपाउने भएको कारण चैत १५ गते भित्र सदस्यता नविकरण गरिसक्नु पर्ने एमालेले निर्णय गरेको हो । एमाले तनहुँको दशौं जिल्ला अधिवेशन आगामी बैशाख ७ र ८ गते गर्ने जिल्ला कमिटिले निर्णय गरेको छ ।
बैठकले पार्टीको गन्डकी प्रदेश कमिटिको भवन निर्माणकोलागि प्रत्येक पार्टी सदस्यताकोलागि न्युनतम ५ सय र अधिकतम रकम संकलन गर्ने निर्णय पनि बैठकले गरेको जिल्ला सचिव राजेश्वर ढकालले बताए ।
