काठमाडौं, फागुन २०
नेपाल कम्युनिष्ट पार्टी (एमाले) राष्ट्रियसभामा दलको प्रमुख सचेतकमा भगवती न्यौपाने मनोनीत हुनुभएको छ । एमालेका सङ्घीय संसदीय दलका नेता केपी शर्मा ओलीले आईतवार न्यौपानेलाई राष्ट्रियसभाका प्रमुख सचेतकमा मनोनयन गर्नुभएको हो ।
एमालेको संसदीय दलको विधान–२०७७ बमोजिम फागुन २१ गते सोमबारदेखि लागू हुनेगरी प्रमुख सचेतकमा आफूलाई पार्टी अध्यक्ष ओलीले मनोनयन गर्नुभएको न्यौपानेले बताउनुभयो ।
राष्ट्रियसभामा पार्टीका तर्फबाट प्रमुख सचेतक रहेका भैरवसुन्दर श्रेष्ठको कार्यकाल आईतवारबाट समाप्त भएकाले सांसद न्यौपानेलाई मनोनयन गरिएको हो ।
एमाले केन्द्रीय सदस्य न्यौपाने तनहुँबाट राष्ट्रियसभामा प्रतिनिधित्व गर्नुहुन्छ ।
