अन्जान परियार, घिरिङ फागुन २४
घिरिङ गाउँपालिकाको आयोजना तथा नेपाल नेत्र ज्योती संघ र कालिगन्डकी आँखा उपचार केन्द्र रामपुर पाल्पाको प्राविधिक सहयोगमा आयोजित निशुल्क आँखा जाँच शिविरमा ५७० जनाको स्वास्थ्य परिक्षण भएको छ । दुई चरणमा आयोजित उक्त शिविरमा पहिलो जम्मा ५७० जनाको आँखा परिक्षण गरिएको थियो । परिक्षणको क्रममा मोतिबिन्दु लागेका ३३ जनाको बुधबार सल्यक्रिया गरिएयो
गाउँपालिकाले गत फागुन १६ गते वडा नम्बर ३ स्थित घिरिङ सुन्धारा स्वास्थ्य चौकी र फागुन १९ गते वडा नम्बर १ कृष्ण माध्यमिक बिद्यालयमा आँखा परिक्षण गरेको थियो ।
उक्त दुबै परिक्षणमा सल्यक्रिया गर्नु पर्ने देखिएका विरामीको बुधबार सल्यक्रिया गरिएको गाउँपालिकाका स्वास्थ्य शाखाका प्रमुख कृष्णप्रसाद रिमालले बताए । साथै जटिल अप्रेसन गर्नु पर्ने ३ जनालाई हिमालय आँखा अस्पताल पोखरा रिफर गरिएको छ ।
सो शिविरको घिरिङ गाउँपालिकाका अध्यक्ष होमबहादुर थापाले उद्घाटन गरेका थिए । शिविरमा आँखा सम्बन्धि समस्याहरुको जाँच, निशुल्क औषधी वितरण, मोतीबिन्दु भएका विरामीहरुको निशुल्क अपरेशनको व्यवस्था तथा आँखा कमजोर विरामीलाई निशुल्क चश्मा समेत वितरण गरिएको गाउँपालिकाका स्वास्थ्य शाखाका प्रमुख रिमालले बताए ।
वडा नम्बर ३ का अध्यक्ष तहलसिंह थापाको अध्यक्षतामा आयोजित कार्यक्रममा गाउँपालिकाका अध्यक्ष थापाले चिकित्सक टोलीलाई धन्यवाद दिदैं आखाको शल्यक्रिया गरेका सबैको शिघ्र स्वास्थ्य लाभको कामना गरेका थिए । सो कार्यक्रमको सन्चालन स्वास्थ्य शाखाका प्रमुख रिमालले गरेका थिए ।
