बन्दिपुरको विकासमा सघाउने पुर्व मन्त्री श्रेष्ठको प्रतिबद्धता

Devghat Online

शेयर गरौ

काठमाडौं, चैत २२

पुर्व मन्त्री तथा प्रतिनिधि सभाका सांसद कृष्णकुमार श्रेष्ठ किसानले बन्दिपुर गाउँपालिकाको विकास आयोजनामा आफ्नो तर्फबाट सक्दो सहयोग गर्ने प्रतिबद्धता जनाएका छन् । आफुलाई भेट्न आएका बन्दिपुर गाउँपालिकाका अध्यक्ष सुरेन्द्र थापा सहितको टोलीसँग पुर्वमन्त्री श्रेष्ठले आफु विशेष कारणले अहिले तनहुँ छोडेर बारा जिल्लाबाट प्रतिनिधि सभामा निर्वाचित भएपनि तनहुँको विकासमा आफ्नो साथ र सहयोग पुर्ण रुपमा रहने विश्वास दिलाएका थिए ।

बन्दिपुर गाउँपालिकाको विभिन्न विकास योजनामा सघाउन बन्दिपुर गाउँपालिकाका अध्यक्ष थापा नेतृत्वको टोलीले विहिबार पुर्व मन्त्री तथा प्रतिनिधि सभाका सांसद श्रेष्ठसँग अनुरोध गरेको थियो । अध्यक्ष थापाले पुर्वमन्त्री श्रेष्ठसँग बन्दिपुर गाउँपालिकाका खानेपानी, पर्यटन, सडक तथा अन्य भौतिक पुर्वाधारको योजनामा सघाउन अनुरोध गरेका थिए ।

नेकपा एकिकृत समाजबादीका नेता समेत रहेका पुर्वमन्त्री श्रेष्ठसँग बन्दिपुर गाउँपालिकाका अध्यक्ष थापाले विशेषगरि नेकपा एसले सम्हालेको शहरी विकास मन्त्रालय अन्तर्गतका योजनामा सहयोग गर्न अनुरोध गरेका थिए ।

सो अवसरमा पुर्वमन्त्री श्रेष्ठले आफु तनहुँ क्षेत्र नम्बर १ को सांसद हुँदा बन्दिपुरको मिनी ग्रेटवाल, मुकुन्देश्वरी मन्दिर, बन्दिपुर–मुच्चुक–छाब्दी बाराही सडक, बन्दिपुर–भारगाउँ सडक, बन्दिपुर–बुद्धसिंह मार्ग जोड्ने सडक तथा पिप्ले–बन्दिपुर सडक लगायत विभिन्न योजनाको लागि रकम विनियोजन गरेको तथा बन्दिपुर बृहत खानेपानी योजनाकोलागि पनि आवश्यक रकमको व्यवस्था मिलाएको भन्दै अव पनि बन्दिपुरका विभिन्न योजनामा आफ्नो तर्फबाट र आफ्नो पार्टीले नेतृत्व गरेको मन्त्रालयको तर्फबाट आवश्यक सहयोग उपलब्ध गराउने प्रतिबद्धता जनाएका थिए ।

पुर्वमन्त्री श्रेष्ठले अव आफु गृह जिल्ला तनहुँ आउँदा बन्दिपुर आउने र त्यहाँका नागरिक समाजका अगुवाहरुसँग भेट गर्ने प्रतिबद्धता समेत जनाएका थिए ।

प्रतिक्रिया दिनुहोस्

सम्बन्धित समाचारहरू

एमालेको हीरक महोत्सव आजः प्रचण्ड र देउवा विशेष वक्ता, माधवलाई पनि निम्तो, पुर्व राष्ट्रपती भन्डारीलाई गणतन्त्र गौरबले सम्मान गर्ने

काठमाडौं, बैशाख १० नेकपा एमालेले आज नेकपा स्थापना दिवसको अवसरमा हीरक महोत्सव मनाउँदैछ । नेकपा

कालिगन्डकी नदीबाट ढुङ्गा, गिटी र बालुवा उत्खनन बारे सर्वाेच्चको फैसलाको व्याख्या हुनुपर्नेः देवघाट गाउँपालिका अध्यक्ष थापा

‘नदीको पानी हेरेर मात्र बस्ने भयौं, उपभोग गर्न पाईएन’ देवघाट, बैशाख १० कालीगन्डकी नदीबाट ढुङ्गा,

कालिगन्डकी नदीबाट ढुङ्गा, गिटी र बालुवा उत्खनन बारे सर्वाेच्चको फैसलाको व्याख्या हुनुपर्नेः देवघाट गाउँपालिका अध्यक्ष थापा

‘नदीको पानी हेरेर मात्र बस्ने भयौं, उपभोग गर्न पाईएन’ देवघाट, बैशाख १० कालीगन्डकी नदीबाट ढुङ्गा,

देवघाटमा चोरीको बिगबिगी: कल्पवासीको कुटी फोरी २ लाख ५० हजार नगद र ३ तोला सुन चोरी

देवघाट, बैशाख ९ देवघाट गाउँपालिकामा पछिल्लो दिनमा मोटरसाईकल चोरी हुनुलाई सामान्य रुपमा लिन थालिएको छ

ओझेलमा परेको सीता गुफा

रामायणमा सीता मातालाई उनका पति अयोध्याका राजा श्रीरामले अग्निपरिक्षा लिन आदेश दिएपछि, त्यो अपमान सहन