देवघाट, असार ६
दशौं विश्व योग दिवसको अवसरमा शुक्रबार विहान देवघाटमा योग जागरण तथा सचेतना कार्यक्रम हुने भएको छ ।
देवघाटधाम जेसीज र ब्रह्माकुमारी राजयोग प्रशिक्षण केन्द्र, देवघाटको संयुक्त आयोजनामा दशौं विश्व योग दिवसको अवसरमा शुक्रबार विहान ६ बजेदेखी ब्रह्माकुमारी राजयोग प्रशिक्षण केन्द्र, देवघाटको सभाकक्षमा योग जागरण अभियान तथा सचेतना कार्यक्रम आयोजना गरिएको देवघाटधाम जेसीजका अध्यक्ष रघु मल्लले जानकारी दिए । सो कार्यक्रममा उपस्थितिको लागि देवघाटबासीलाई अनुरोध गरिएको अध्यक्ष मल्लले बताए ।
शुक्रबार विश्व योग दिवस विभिन्न कार्यक्रम गरि मनाइने भएको छ । संयुक्त राष्ट्रसंघको महासभाले सन २०१५ को २१ जुनलाई विश्व योग दिवस मनाउने निर्णय गरेपछि यो दिवस मनाउन थालिएको हो । यस वर्ष ‘आफु र समाजका लागि योग’ भन्ने मुल नाराका साथ यो दिवस मनाइने भएको छ ।
