उपप्रधानमन्त्री महासेठद्वारा पृथ्विराजमार्गको निरिक्षण, समयमै काम सक्न निर्देशन

Devghat Online

शेयर गरौ

दमौली, असार ८

उपप्रधानमन्त्री तथा भौतिक पुर्वाधार तथा यातयात मन्त्री रघुविर महासेठले शनिबार पृथ्विराजमार्ग अन्तर्गतको निर्माणाधिन मुग्लिन–पोखरा सडक खन्डको स्थलगत निरिक्षण गरेका छन् ।

मन्त्रालयका सचिव र सडक विभागका महानिर्देशक समेतलाई साथमै ल्याई मन्त्री महासेठले सडक विस्तार अभियानको निरिक्षण गरेका थिए । सो क्रममा मन्त्री महासेठले उक्त राजमार्गको पुर्वीखन्डको काम सन्तोषजनक भएको बताए । पछिल्लो पटक म्याद थपिएको समयभित्रै काम सम्पन्न गर्न मन्त्री महासेठका आयोजनाका प्रमुखलाई निर्देशन दिएका थिए । मन्त्री महासेठले आयोजनालाई बजेट अभाव नहुने भन्दै निर्धारित समयमा गुणस्तरीय काम गर्न निर्देशन दिएका थिए ।

सो क्रममा मुग्लिन–पोखरा सडक विस्तार आयोजना पुर्वी खन्डका प्रमुख श्यामकुमार यादवले आयोजनाको प्रगतिको बारेमा जानकारी गराएका थिए । आयोजनाको पुर्वी खन्डका सुचना अधिकारी विष्णुप्रसाद पाण्डेका अनुसार उक्त सडक खन्डमा हालसम्म ६२ प्रतिशत भौतिक प्रगति भईसकेको छ । साथै दमौलीको मादी नदीमा निर्माणाधिन मोटरेबल पुल हालसम्म ३० प्रतिशत भौतिक प्रगति भईसकेको छ ।

आयोजनाले हालै आबुखैरेनी गाउँपालिका अगाडी सय मिटर सडकमा ट्रायलको रुपमा अन्तिम लेयरको कालोपत्रे गरेको छ । उक्त ट्रायल सफल भएपछि हाल कालोपत्रे भएको सबै खण्डमा अन्तिम लेयरको कालोपत्रे गरिने सुचना अधिकारी इन्जिनियर पाण्डेले बताए ।
यसैविच विश्वबैंकका प्रतिनिधिलाई समेत ल्याएका मन्त्री महासेठले आबुँखैरेनी–मुग्लिन सडकको बैकल्पिक खन्डमा सडक निर्माण गरिने क्षेत्रको पनि निरिक्षण गरेका थिए ।

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर