सफल शर्मा । देवघाट असार १३
पहिरोले घर क्षतीग्रस्त भएपछि देवघाट गाउँपालिका वडा नम्बर २ खाल्टेका सन्तबहादुर बिकको परिवार बिचल्लीमा परेको छ ।
गत असार ९ गते राती आएको पहिरोले सन्तबहादुरको घरमा क्षती भएको छ । सन्तबहादुर भने कामको शिलशिलामा हाल भारतमा छन् भने घरमा २ छोरा मात्र बस्छन् । सन्तबहादुरको १८ बर्षिय छोरा सन्तोषले घरमाथीबाट लेदो सहित आएको पहिरोले घरमा क्षती भएको हुँदा घरमा बस्न नहुने बताए ।
विहान ४ बजे घरमाथीबाट एक्कासी आएको पहिरोले घर क्षतीग्रस्त भएको उनले बताए । सन्तबहादुरकी पत्निको तिन महिना अघि मृत्यु भएको थियो । आमाको मृत्यु भएको र बुवा भारतमा काम गर्न गएको अवस्थामा पहिरो घर क्षती भएपछि आफुहरुको बिचल्ली भएको सन्तोषले बताए ।
उनले आफ्नो दुखमा सहयोग गर्न स्थानीय सरकार तथा स्थानीय बासिन्दाहरुसँग अनुरोध गरेका छन् ।
