दमौली, साउन २०
राष्ट्रिय स्वतन्त्र पार्टी जिल्ला कार्य समिति तनहुँको आयोजनामा आइतबार जिल्ला स्तरीय अन्तरक्रिया कार्यक्रम दमौलीमा सम्पन्न भयो ।
सो कार्यक्रममा बोल्दै रास्वपाका उपसभापती एवं तनहुँ क्षेत्र नम्बर १ का प्रतिनिधि सभाका सांसद डा.स्वर्णिम वाग्लेलले तनहुँमा पहिलो पटक सबैभन्दा धेरै बजेट विनियोजन गर्न आफुहरु सफल भएको भन्दै उक्त बजेटलाई कार्यान्वयन गर्न रास्वपाका कार्यकर्ताहरुले सहयोग गर्नु पर्ने बताए ।
रास्वपा तनहुँका संयोजक विश्व वास्तोलाको अध्यक्षतामा भएको सो कार्यक्रममा केन्द्रीय सदस्य तथा सांसदद्वय शिशिर खनाल र गणेश पराजुली तथा नेता पुकार वम, श्रीराम न्यौपाने लगायतले सम्बोधन गरेका थिए । सो कार्यक्रमको सन्चालन जिल्ला सह संयोजक सुर्यमणी पौडेलले गरेका थिए ।
उक्त कार्यक्रममा रास्वपाका अगुवा कार्यकर्ताहरुको सहभागिता रहेको थियो ।
