काठमाडौं, साउन २८
स्वास्थ्य तथा जनसंख्या मन्त्री प्रदिप पौडेलले मन्त्रालय मातहतका १७ अस्पतालको सेवामा सुधार थालेका छन् । मन्त्री पौडेलले पदभार सम्हालेलगत्तै अस्पतालमा देखिएको भिड व्यवस्थापनसँगै सेवालाई दुई सिफ्टमा थप गुणस्तर वृद्धि गर्न ९ बुँदे निर्देशन जारी गरेका थिए ।
एक महिनाभित्र भिड व्यवस्थापन गर्ने लक्ष्यअनुरुप हालसम्म रिपोर्ट प्राप्त सबै अस्पतालले सुधार भएको जानकारी पठाएको मन्त्रीको सचिवालयले जनाएको छ ।
उक्त सुधार अनुसार चितवनको भरतपुर अस्पतालमा विशेषज्ञ ओपिडी ९.३० बजेदेखी ३ बजेसम्म, जनरल ओपिडी विहान ७ देखी साँझ ५ बजेसम्म हुने भएको छ । त्यस्तै चितित्क राउन्ड, भर्ना र डिस्चार्ज नियमित गरिने, विहान ९ देखी ११ बजेसम्म र साँझ ४ बजेसम्म डिस्चार्जको सुचना दिईने, अस्पतालको फार्मेसीमा विमाको ७५ प्रतिशत औषधी दिइने, फार्मेसी २४ घन्टा खुल्ने भएका छन् ।
यस्तै भरतपुर अस्पतालमा ५ वटा ओपिडी काउन्टर रहेकोमा ३ वटा थप गरि ८ वटा बनाईने, अनलाइन र टोकन व्यवस्थापन गनिरे तथा सोधपुछ, गुनासो सुन्ने, सहायता कक्ष, पिउने पानी, सफा सौचालय, पानी व्यवस्थापक आदि व्यवस्थापन गरिने मन्त्री पौडेलको सचिवालयले जनाएको छ ।
यसैगरि तनहुँको शुक्लागन्डकी नगरपालिकाको बेलचौतारामा रहेको जिपि कोईराला राष्ट्रिय श्वास प्रश्वास उपचार केन्द्रमा ओपिडी विहान ८ बजेदेखी ५ बजेसम्म हुने भएको छ । अस्पतालमा शैया र अप्रेशनकालागि प्रतिक्षा गर्नु नपर्ने तथा विमाका सबै प्रकारका औषधी उपलब्ध हुने मन्त्री पौडेलको सचिवालले जनाएको छ ।
त्यसैगरि दैनिक २५० देखी ३ सय सम्मका सेवाग्राहीको व्यवस्थापन हुने, टिकट काउन्ट, अनलाइन टिकक, एटिएम तथा क्युआर कोर्ड भुक्तानीको व्यवस्था गरिएको तथा सोधपुछ, सहायता कक्ष र गुनासो सुन्ने व्यवस्था गरिएको मन्त्री पौडेलको सचिवालयले जनाएको छ ।
