बन्दिपुर, साउन २८
बन्दिपुर गाउँपालिकाका जनप्रतिनिधि र स्वास्थ्यकर्मीलाई डेङ्गु रोग सम्बन्धि १ दिने अभिमुखिकरण कार्यक्रम सन्चालन गरिएको छ । उक्त कार्यक्रममा डेंगु तथा अन्य मौसमी रोगहरुको बारेमा जानकारी दिई उक्त रोगबाट बच्ने उपायहरुको बारेमा अभिमुखीकरण गरिएको बन्दिपुर गाउँपालिकाका स्वास्थ्य शाखाका प्रमुख किरण श्रेष्ठले जानकारी दिए ।
उक्त कार्यक्रममा बन्दिपुर गाउँपालिकाका अध्यक्ष सुरेन्द्र बहादुर थापाले डेंगु तथा अन्य मौसमी रोगहरुको बारेमा सबै नागरिकलाई जानकारी गराउनु पर्ने र यसबाट बच्ने उपायहरुको बारेमा पनि सिकाउनुपर्ने बताए ।
गाउँपालिका अध्यक्ष थापाको अध्यक्षतामा सम्पन्न सो कार्यक्रममा प्रमुख प्रशासकीय अधिकृत यादवराज आचार्य, वडा अध्यक्षहरु, शाखा प्रमुखहरु र अस्पताल तथा स्वास्थ्य संस्था प्रमुखहरुको उपस्थिति रहेको थियो ।
सो कार्यक्रममा बन्दिपुर अस्पतालका डा.सवना मियाले डेंगु रोगको बारेमा प्रशिक्षण दिएकी थिइन् । कार्यक्रमको सन्चालन स्वास्थ्य शाखा प्रमख किरण श्रेष्ठले गरेका थिए ।
उक्त कार्यक्रममा डेंगु रोग सम्बन्धि पूर्व तयारी साथै लामखुट्टेको लार्भा खोजौ र नष्ट गरौ अभियान पालिका स्तर, वडा स्तर र टोल टोलमा सनचालन गर्ने निर्णय गरिएको स्वास्थ्य शाखाका प्रमुख श्रेष्ठले जानकारी दिए ।
