देवघाट, साउन ३०
नेकपा एमाले देवघाट गाउँ कमिटि वडा नम्बर ५ को दोश्रो अधिबेशन बुधबार देवघाट सिटि हलमा सम्पन्न भएको छ । उक्त अधिवेशनको नेकपा एमालेका केन्द्रीय सल्लाहाकार परिषदका सदस्य प्रतापलाल श्रेष्ठले उद्घाटन गरे ।
सो कार्यक्रममा एमाले केन्द्रीय सल्लाहाकार श्रेष्ठले आगामी निर्वाचनमा देवघाटमा एमालेले एकल रुपमा बिजयी प्राप्त गर्ने गरि काम गर्नु पर्ने बताए । श्रेष्ठले एमालेको नेतृत्वमा मात्रै समृद्ध नेपालको अभियान पुरा हुने हुँदा अहिले नेपाली काँग्रेसले पनि एमालेका अध्यक्ष केपी शर्मा ओलीकै नेतृत्वमा सरकारमा सहभागी भएको बताए ।
नेकपा एमाले वडा कमिटिका अध्यक्ष गणेश थापाको अध्यक्षतामा सम्पन्न सो कार्यक्रममा एमाले तनहुँ जिल्ला कमिटिका अध्यक्ष हरिराज कडेंल, गण्डकी प्रदेशका कमिटिका सदस्य एवम देवघाट गाउँकमिटिका इन्चार्ज प्रेम राना, जिल्ला कमिटिहरु केशवचन्द्र न्यौपाने, यालबहादुर गुरुङ, सदस्य सुकुलाल गुरुङ, पुर्व जिल्ला कमिटिका सदस्यहरु बावुराम अधिकारी र शिवराज पौडेल, देवघाट गाउँपालिका वडा नम्बर १ का अध्यक्ष मणिराज गुरुङ, नेकपा एमाले देवघाट गाउँकमिटिका अध्यक्ष भिमबहादुर गुरुङ, देवघाट वुद्धिजिवि परिषदका अध्यक्ष डा.सुरेन्द्रप्रसाद श्रेष्ठ, अनेमसंघ देवघाटकी अध्यक्ष सावित्री न्यौपाने, उद्योग वाणिज्य संघ देवघाटका अध्यक्ष रोशन श्रेष्ठ लगायतले शुभकामना मन्तव्य राखेका थिए ।
उक्त कार्यक्रमको सन्चालन विष्णु मगरले गरेका थिए । अधिवेशनले नयाँ नेतृत्व चयन गर्नेछ ।
