देवघाट, भदौ १८
महिलाहरुको महानपर्व हरितालिका तीजको अवसरमा देवघाट गाउँपालिकाको सहयोगमा देवघाट महिला सन्जालले तीज विशेष कार्यक्रम गर्ने भएको छ । देवघाट गाउँपालिकाका सबै महिला दिदी बहिनीहरुलाई समावेश गरि सन्जालले हरितालिका तिजको दिन भदौ २१ गते देवघाट गाउँपालिका–५ मा रहेको हाटबजारमा विहान ११ बजेबाट तीज विशेष कार्यक्रम गर्न लागेको सन्जालकी सचिव एजिला अधिकारीले जानकारी दिइन् ।
अप्रतियोगी रुपमा सन्चालन गरिने उक्त कार्यक्रममा महिला दिदी बहिनीहरुले गाउने गित नारी जागरण तथा सशक्तिकरणसँग सम्बन्धित हुनुपर्ने, उपस्थिती हुने महिला दिदी बहिनीहरुले लगाउने पोशाक स्थानीय कला र संस्कृती झल्कने हुनुपर्ने सन्जालकी सचिव अधिकारीले बताइन् ।
आफ्नो प्रस्तुतीमा कुनै व्यक्ति, धर्म, संस्कृति, सम्प्रदाय, राजनीतिक दल तथा अन्य विशेष समुहहरुलाई आक्षेप लगाउन नपाउने नियम राखिएको सचिव अधिकारीले जानकारी दिइन् ।
