विष्णु मगर । देवघाट, भदौ १९
देवघाट युवा जागरण समाज नेपालद्वारा देवघाटमा आयाेजित प्रथम सेन्ट्रल कलेज नकआउट महिला फुटबल प्रतियाेगिताकाे उपाधि राप्ती फुटबल क्लवले हात पारेको छ ।
उपाधीको लागि बुधबार भएको फाईनल खेलमा राप्तीले भरतपुर-२३ लाई ७-० गोल अन्तरले पराजित गरेको हो । देवघाट खेलकुद मैदानमा भएको उक्त प्रतियोगिताको उपाधीसँगै राप्ती फुटवल क्लवले ५५ हजार नगद, ट्रफी र प्रमाणपत्र पायो । उपबिजेता भएको भरतपुर-२३ ले २५ हजार ५५५ नगदमा चित्त बुझाउनु पर्यो ।
प्रतियोगिता अवधिभरको उत्कृष्ट गाेलरक्षक राप्तीकी साेनु मैनाली, सर्वाधिक गाेलकर्ता भरतपुर-२३ की उमा राना मगर र उत्कृष्ट खेलाडी राप्तीकी ग्याङ्छु डाेल्मा भइन् ।
प्रतियोगिताको बिजेता र उपबिजेतालाई देवघाट गाउँपालिकाका उपाध्यक्ष भुवनसिंह गुरुङ र आयोजकका पदाधिकारीले पुरस्कार र प्रमाणपत्र प्रदान गरेका थिए ।
प्रतियोगिताको बारेका देवघाट युवा जागरण समाजले आगामी भदौ २२ गते सार्वजनिक सुनुवाइ कार्यक्रम गरि जानकारी गराउने भएको छ ।
