विष्णु मगर । देवघाट, भदौ २०
देवपुर टोल विकास संस्था र इलाका प्रहरी कार्यालय देवघाटको समन्वयमा विहिबार देवपुर टोलमा सरसफाई तथा बृक्षारोपण आयोजना गरिएको छ ।
पछिल्लो समय देवघाटमा डेंगुको प्रकोप देखिन थालेपछि डेंगुबाट बच्नको लागि आफ्नो वरपरको वातारण सरसफाई गर्नुपर्ने बोध गराउन उक्त कार्यक्रम आयोजना गरिएको देवपुर टोल विकास संस्थाका अध्यक्ष शुकुलाल गुरुङले बताए । साथै आफ्नो वरपरको वातारण सरसफाईसँगै हरियाली बनाउने उद्देश्यले बृक्षारोपण पनि गरिएको अध्यक्ष गुरुङले बताए ।
उक्त कार्यक्रममा देवघाट गाउँपालिकाका उपाध्यक्ष भुवन सिंह गुरुङ, इलाका प्रहरी कार्यालय देवघाटका प्रहरीहरु तथा देवपुर टोल विकास संस्थाका पदाधिकारी, सदस्य तथा उपभोक्ताहरुको सहभागिता रहेको थियो ।
उक्त कार्यक्रममा सव डिभिजन वन कार्यालय देवघाटबाट प्राप्त मेङ्गोस्टिन तथा कपुर गरि १ सय वटा बिरुवा रोपिएको थियो । पछिल्लो समय देवघाटमा पनि डेंगुको प्रकोप बढ्न थालेको छ । स्वास्थ्य कार्यालय तनहुँका अनुसार देवघाटका ९ जनामा डेंगु संक्रमण भएको छ ।
देवघाट गाउँपालिकाका उपाध्यक्ष भुवनसिंह गुरुङले आफ्नो वरवरको वातारण सरसफाई गरि डेंगुबाट आफुपनि बच्ने र अरुलाई पनि बचाउनुपर्ने बताए ।
