देवघाट, माघ १६
देवघाट गाउँपालिका वडा नम्बर ५ स्थित भर्जन कालिका मन्दिरको निर्माणको लागि बुधबार एकै दिन ६ लाख ८५ हजार २८६ हजार रुपैयाँ संकलन भएको छ ।
माघे अौंशी मेलाको अवसरमा मेला स्थल बेणी संगममा मन्दिर निर्माणको बारेमा गरिएको माइकिङको प्रभाव र दान पेटिकामा संकलन गरिएको रकम मंगलबार एकै दिन करिब ६ लाख ८५ हजार २८६ रुपैया संकलन भएको भर्जन कालिका मन्दिर निर्माण समितिका अध्यक्ष केशवचन्द्र न्यौपानेले बताए ।
अध्यक्ष न्यौपानेको नेतृत्वमा मन्दिर निर्माण समितिका पदाधिकारीहरु बिहानै देखी मेला परिसरमा आर्थिक सहयोग संकलनकोलागि खटिएका थिए ।
भर्जन कालिका मन्दिरको बारेमा मेला स्थलमा माईकिङ गरेपछि भक्तजनहरुले स्वतः स्फुर्त सहयोग गर्नु भएको अध्यक्ष न्यौपानेले बताए । यो रकमले अव मन्दिरको निर्माणमा ठुलो सहयोग पुग्ने न्यौपानेले बताए ।
मेला स्थलमा मन्दिर निर्माण समितिका सदस्यहरुले कौरा गित पनि प्रस्तुत गरेका थिए । मन्दिर निर्माणका लागि यश अघि माघे सक्रान्ती मेलामा ६ लाख ३७ हजार रुपैयाँ संकलन भएको थियो ।
भर्जन कालिका मन्दिर निर्माणकोलागि विभिन्न व्यक्ति तथा संघ संस्थाले सहयोग उपलब्ध गराउँदै आएका छन् । ११ हजार रुपैयाँ भन्दा बढि सहयोग गर्ने व्यक्ति तथा संघ संस्थाको नाम शिलालेखमा लेखिने अध्यक्ष न्यौपानेले बताए ।
